Un alcaldi (árabi clásicu, قاضي qāḍī < árabe ispanu, قاضي alqáḍi: jues) es un cargu públicu que se topa al mandu de l'alministración política d'una ciá, concehu o pueblu.
Dessisti una amplia variedá de regulacionis jurídicas desta figura, tantu enu relative a las sus competencias i albeliás comu a la jorma en que el alcaldi se espurga.
El alcaldi puedi sel reelegíu ena mayoría delos paísis. El su gabarru consisti en defendel los interessis delos sus conciuanus dendi la execución delas políticas localis que tengan por ojetivu la pula dela caliá de vida.
Estóricamenti, un alcaldi exercía funciones de jués. Nel Antiguu Régime en España había un alcaldi por el estáu nobli i otru por el estáu llanu; i enas prencipalis puebracionis un alcaldi designáu por el rei. Los poblaus que detentaban esi privilegiu tenían títulu de villa (o de ciá). Las villas con alcaldi tenían derechu a alçar un rollu, lugar de ajusticiamientu. L'alministración municipal dotras puebraciones estaba en manus dun corregidol.
Desistió, amás, nel Reinu de Castilla, el cargu d'Alcaldi de la Casa i Corti de La su Magestá, funcionariu judicial que traçaba justicia ena Sala d'Alcaldis dela Casa i Corti.
El alcaldi en España dirigi l'alministración monicipal, presidi i representa al concehu. Es escogíu dentri los concehalis por mayoría asoluta, que son dela mesma espurgaus polos vezinus.
L'alcaldi tieni toa una serie de facultais, dalgunas inqui danguas dellas son delegablis. Está asistíu por un órganu colegiáu que recibi ogañu el nombri de Junta de Gobiernu Local y está hormáu por un númeru no cimeru a un terciu del númeru legal de biembrus del Plenu. Correspondi al alcaldi el nomamientu del tenienti d'alcaldi.
This article uses material from the Wikipedia Estremeñu article Alcaldi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.