Ai Song Contest: Competición entrenacional de música compuesta por enteligencia artificial
El Festival dela Canción d'EA (n'ingrés AI Song Contest i AI Songfestival) es un concussu musical en que partecipan paísis d'Uropa i Ustralia con cancionis compuestas d'enteligencias artificialis.
Se celebra dendi mayu del 2020 i l'entanga l'organización de telivisión olandesa Omroepvereniging VPRO, en calavorandu con NPO 3FM i NPO Innovation.
La canción ganaora es la que más puntus acibi delos otrus paísis partecipaoris i del'audencia. La primel canción que ganó'l concussu hue Beautiful the World, dela banda ustraliana d’EA Uncanny Valley.
Orihinis i estória
Tras del suspendimientu d’Urovisión 2020 pol andanciu del viru del Covid-19 n'Uropa, la produtora de telivisión olandesa Karen van Dijk (dela impresa VPRO) tuvu l'acuerdu d'entangal un festival entrenacional de música hecha d'enteligencias artificialis. Esta idea gustó alos mandonis delas impresas VPRO i NPO Innovation i, col'ayúa de NPO 3FM, aviarun la primel edición del concussu el 12 de mayu del 2020, la quala tuvu un grandi déssitu. A partil d'antoci, algotras impresas relacionás col mundu dela música i delas enteligencias artificialis (comu puean sel Amsterdam Music LAB, DeepMusic.ai i Wallifornia MusicTech) s'arrocharun a calavoral nel preparu del festival enos añus siguientis.
Partecipación
| Añu | Paisis |
|---|---|
| 2020 | Alemaña, Ustralia, Bélgica, Francia, Paísis Baxus, Reinu Uníu, Suecia, Suíça |
| 2021. | Bolivia, Brasil, Canadá, Cataluña, China, Corea del Sul, España, Estaus Uníus, Irlanda, Méxicu, Nepal, Ungría |
| 2022. | Galicia, India, Tailandia |
Estremeñus nel Festival de la Canción d'EA
El Festival dela Canción d'EA entavia no dispusu dela partecipación de bandu nengunu d'Estremaúra.
Guipa tamién
- Festival d’Urovisión
- Festival d’Uropa Libri
- Festival de Turkvisión
Referencias
Atijus p'ahuera
- Página ofical
- Twitter ofical
- Página oficial en VPRO
En Commons ai conteníu multimedia sobre AI Song Contest.
This article uses material from the Wikipedia Estremeñu article AI Song Contest, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.