Simone Melchior, edo Simone Melchior Cousteau, ( 1919 – 1990 ) esploratzaile eta ozeanografo frantsesa izan zen.
Cousteau-Gagnan diseinuko urpekaritza jantziarekin uretan murgildu zen lehen emakumea izan zen. Jacques-Yves Cousteauren emaztea eta kolaboratzailea, bere senarraren abentura eta dokumental gehienetan parte-hartze funtsezkoa izan zuen, baina inoiz ez zen The Undersea World of Jacques Cousteau telesaileko irudietan agertu.
Simone Melchior | |
---|---|
Bizitza | |
Jaiotza | Toulon, 1919ko urtarrilaren 19a |
Herrialdea | Frantzia |
Heriotza | Monako, 1990eko abenduaren 1a (71 urte) |
Heriotza modua | berezko heriotza: minbizia |
Familia | |
Aita | Henri Melchior |
Ezkontidea(k) | Jacques-Yves Cousteau (1937ko uztailaren 12a - 1990eko abenduaren 2a) |
Seme-alabak | ikusi
|
Hezkuntza | |
Hizkuntzak | frantsesa |
Jarduerak | |
Jarduerak | esploratzailea |
Simone Toulonen jaio zen. Bere aita Henri Melchior eta bere aitaren bi aitonak, Jules Melchior (1844-1908) eta amaren aitona, Jean Baehme, Frantziako itsas armadako almiranteak izan ziren.
Simonek bere senarra izango zena ezagutu zuen 1937ko festa batean. Jacques Coousteau itsas ofiziala zen, 27 urtekoa, eta neskak 18 zituen. Urte horretan bertan Parisko Saint-Louis-des-Invalidesen ezkondu ziren.
Suitzan eta Italian eztei-bidaia egin ondoren, Mourillonen kokatu ziren, Toulon-eko itsasertzeko auzo batean, portutik gertu. Bi seme-alaba zan zituzten, Jean-Michel 1938an eta Philippe 1940an.
Jacques Cousteauk Simone emaztea errespetu gutxirekin tratatu izan zuelako ikuspegi kritikoak agertu izan dira bikotea hil ondoren. Infideltasun luzeak izan zituen, eta ezkontzaz kanpoko haurren aita ere izan zen senarra. L'Odyssée filmak jasotzen ditu Jacquesen une ilun horietako batzuk. Audrey Tautouk jokatzen du Simone Melchiorren rola film horretan.
This article uses material from the Wikipedia Euskara article Simone Melchior, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.