Preso Politiko

Gehienetan, estatuek ukatu egiten dute preso politikoen existentzia euren jurisdikzioan eta disidentzia politikoarengatik preso dauden pertsonei terrorismo, traizio, sedizio eta matxinada-delituak leporatzen dizkiete, preso politiko estatusa eta izendapena saihestu eta preso arrunt gisa tratatzeko. Izan ere, preso politikoen existentzia giza eskubideen aurkakoa dela ezartzen da giza eskubideen aldeko karta eta itun gehienetan.

Beste alde batetik, euren aktibismoan indarkeria baliatu eta sustatu duten presoak ezin dira preso politikotzat jo batzuen arabera.

Beste irizpide bati jarraikiz, arrazoi erlijioso edo filosofikoengatiko kontzientzia-preso kategorian biltzen dira preso politikoak.

• Sabin Arana, euskal herritar preso politikoen artean, bere garaiko ezagunena. Besteak beste, EAJren eta eusko abertzaletasunaren sortzailea izan zen.
• Aung San Suu Kyi, Myanmarreko oposizioaren buruzagia.
• Benazir Bhutto, lau urtez kartzelatua, Zia ul Haq jeneralaren agindupean.
• Carlos Menem, Argentinako lehendakari ohia zenean kartzelatua.
• Antonio Gramsci
• Kim Dae Jung.
• Nelson Mandela, aparheidaren aurkako ekintzailea. Hasiera batean bortizkeria ekintza batzuk babestu bazituen ere, gero aurkako jarrera hartu zuen. Hala eta guztiz, terrorista zelako akusaziopean urte asko eman zuen kartzelan.
• Mahatma Gandhi, Britaniar Inperioaren aginduz Hego Afrikan eta Indian kartzelatu zuten askotan.
• Eugene Debs, Estatu Batuetako Alderdi Sozialistaren burua, Lehen Mundu Gerraren aurka lerratzeagatik kartzelatu zuten.
• Dilma Rousseff, Brasilgo lehendakari ohia, Brasilgo militarren gobernuak kartzelatu zuen.
• Emma Goldman, Lehen Mundu Gerraren aurka lerratzeagatik kartzelatu eta deportatu zuten.
• Bertrand Russell, Lehen Mundu Gerraren aurka lerrotzeagatik kartzelatua.
• Liu Xiaobo, Txinaren demokraziaren aldeko ekintzailea, Txinako gobernuaren aginduz askotan atxilotua izan zen.
• Arnaldo Otegi, Bateragune auziaren barruan terrorismoa egotzita kartzelatua.
• Teresa Toda, kazetaria.
• Jordi Cuixart, ANCko lehendakaria, sedizioa egitea leporatuta Espainian.
• Jordi Sànchez, Òmnium Culturaleko lehendakaria, sedizioa egitea leporatuta Espainian.