Miriam Arrillaga: Euskal pilotaria

Miriam Arrillaga
	;
Bizitza
Jaiotza	Aginaga (Usurbil), 2000ko irailaren 21a (23 urte)
Herrialdea	Gipuzkoa, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	pilotaria
Pilota
Posizio edo espezialitatea	atzelaria

Atzelari aritzen da, esku-pilotako lehiaketa nagusietan (buruz burukoa, binakakoa eta lau eta erdikoa). Emakumeen pilota elkarteko (EPE) kidea da.

Palmaresa

2019ko abenduan Emakume Master Cupen izenarekin jokatutako seigarren txapelketa izan zen. Leire Etxanizek eta Miriam Arrillagak irabazi zituzten Emakume Master Cupeko lau eta erdiko txapelak: Etxanizek pilota gozoarekin, eta Arrillagak mistoarekin. Etxanizek bosgarrena zuen, eta Arrillagak, estreinakoa. 92 pilotari aritu ziren. Bi txapeldunak oso pozik egon ziren, txapelketari esker «segida» zuelako, eta urtez urte gero eta emakume gehiagok ematen zutelako izena. Emakume Pilotarien Elkartea (EPE) sortzeaz ere pozik, aurrera begira bide luzea egon arren.

2021ean Miriam Arrillagak Amaia Aldairen aurka jokatu zuen abenduaren 19an Mungian Emakume Master Cupeko lau eta erdiko finala. Partidu hasiera nahiko berdindua izan zen, baina garailea Aldai izan zen 14-22ko emaitzarekin.

2021ean, Europako Frontballean Miriam Arrillaga txapelduna izan zen nagusi mailan, Maritxu Houset lapurtarra bigarrena. Miren Larrarte 21 urtez azpiko txapelduna izan zen eta bigarrena L. Garai.

Kirol lorpenak

2019an Emakume Master Cup-en 4 eta erdiko txapelduna (Pilota mixtoko lehena).
2021ean Emakume Master Cup-en 4 eta erdiko txapeldunordea
2021ean Europako Frontballean txapelduna nagusi mailan

Berdintasunaren iraultza frontoian

2019an Emakumeen Master Cup txapelketa zela eta, Otamotz Urretxu eta Zumarragako atari digitalaren iritziz:

Berdintasunaren iraultza gelditzeko etorri da. Ez dago jakiterik noiz lortuko den emakumezkoen eta gizonezkoen arteko erabateko berdintasuna, baina lehenago edo beranduago helduko da. Pilota mundura ere heltzen ari da, horren proba Zumarragako Beloki pilotalekuan bizi izan zen festa. Etxeko txikienak lehenbailehen emakumezkoak kirola egiten ikustera ohitzea ezinbestekoa da. Emakumeen kirola gizonezkoena bezain ikusgarria dela jabetu behar dira. Horretarako, gizonezkoen lehiaketetan egiten den bezala, ikuskizuna erakargarria izan behar da. Emakume Master Cup txapelketako antolatzaileek horretan ere asmatu dute: pantaila erraldoia, geldialdietan musika megafoniatik… Igandean egun historikoa bizi izan zen Zumarragan. Zaila izango da Goierriko herri batek Emakume Master Cup txapelketako beste final bat hartzea.

Laboral Kutxa Emakume Master Cup txapelketako finalak jokatu ziren Zumarragan eta frontoia txiki gelditu zen. Udalak Zelai Arizti aretoa ireki behar izan zuen, kanpoan gelditu zirenek ETBren zuzeneko emanaldia bertan ikusteko aukera izan zezaten. Lehen mailako finalean, Leire Garaik eta Leire Etxanizek 22 eta 5 irabazi zieten Patri Espinar eta Miriam Arrillagari.

Aintzatespenak

2020ko urtarrilaren 25ean Miriam Arrillagari Aginagan omenaldia – EPE

Erreferentziak

Kanpo estekak

Datuak: Q81211167

This article uses material from the Wikipedia Euskara article Miriam Arrillaga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.