María Puy Uitzi Goñi (Ziritza, 1915eko irailaren 25a - Iruñea, 2008ko apirilaren 11a) euskal irakasle eta historialaria izan zen, Nafarroako historian aditua.
María Puy Uitzi | |
---|---|
Bizitza | |
Jaiotzako izen-deiturak | María Puy Huici Goñi |
Jaiotza | Ziritza, 1915eko irailaren 25a |
Herrialdea | Nafarroa Garaia, Euskal Herria |
Heriotza | Iruñea, 2008ko apirilaren 11 (92 urte) |
Hezkuntza | |
Heziketa | Zaragozako Unibertsitatea Nafarroako Unibertsitatea |
Hizkuntzak | gaztelania |
Jarduerak | |
Jarduerak | historialaria eta irakaslea |
Jasotako sariak | ikusi |
Vianan, Urdanotzen, Zenborainen eta Etxabakoitzen (gero Iruñeko auzo gisa integratutako lekua) klaseak eman ondoren, 46 urte zituela Zaragozako Unibertsitatean doktoretza lortu zuen. Klaseak ematen jarraitu zuen 1980an erretiroa hartu arte.
Irakasle lanetan ari zela, Zaragozako Unibertsitatean ikasi zuen Filosofia eta Letren karrera. 1961ean, 46 urte zituela, Historiako doktoretza egin zuen Nafarroako Unibertsitatean, Las Cortes de Navarra durante la Edad Moderna izenburuko tesiarekin. Nicasio Landa Echavaóiz ikastetxean erretiroa hartu ondoren, bere jakin-min nekaezinak medikuntza ikastera eraman zuen, baina bere adinean onartua izatea zaila zenez, ikerketa historikora dedikatzea erabaki zuen. Nafarroako Artxibo Nagusian egindako ikerketei esker, Comptos Ganberaren historiari buruzko hiru liburuki idatzi zituen, eta lan horrek 1995ean erakunde horren Urrezko Domina eman zion.
Hainbat lanetan ere parte hartu zuen (Nafarroako ereserkiari edo Nafarroako Monumentu Historiko eta Artistikoen Batzordeari buruz), eta, bere komunikazioekin, Historiako zenbait kongresutan parte hartu zuen eta dibulgazio-artikuluak ere idatzi zituen.
2001ean, Nafarroako Gobernuak Karlos III.aren Gurutzearekin kondekoratu zuen.
This article uses material from the Wikipedia Euskara article María Puy Uitzi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.