Charlie Chaplin

Achtergrondjinfermasie
Charlie Chaplin Charles Spencer Chaplin jr.
Charlie Chaplin in "The Kid"
Gebore	16 april 1889
Gesjtorve	25 december 1977
IMDb-profiel

Laes hie wie v'r mit de versjillende saorte Limburgs ómgaon.

Charlie Chaplin, voloet (KBE) Charles Spencer Chaplin jr. (Walworth, Londe, 16 april 1889 – Vevey, Zwitserland, 25 december 1977) waor 'ne Ingelse vaudeville-acteur dee in d'n tied vaan 't ontstoon vaan de bioscoopfilm in de Vereinigde Staote de bereumpste filmster ter wereld woort. Later woort heer ouch filmrezjiseur. Zien bekindste rol waor zoonder twiefel die vaan de zwerver (The Tramp), 'n menneke vaan invoudege komaof mèt 'n klein knievelke en 'n tameleke persoenleke weerdegheid. Gekleid in 'ne strak zittende jas, 'n bamboe wandelstekske en 'n huudsje, lök 't häöm in 't daogeleks leve edere kier obbenuits vanoet 'n underdog-situatie zien meujelekhede te euverwinne. Chaplin späölde dees rol mèt väöl succes vaan 1914 tot 1936 in tientalle films.

Biografie

Chaplin woort gebore es zoon vaan Charles Chaplin (wee zien mam haaf Roma waor, 'n feit boe Charles zier gruuts op waor) en Hannah Harriett Hill, die alletwie in reizende toneelgezèlsjappe wèrkde. Zien awwers gónge al snel nao zien geboorte oeterein, boenao heer bij zien mam achterbleef. Zie besteide de kleine Charlie en dee zien haafbroor Sydney oet in 't ermehoes ('workhouse'), boe ze nao 'n paar weke woorte euvergeplaots nao 'n sjaol veur weze en verlaote kinder in Hanwell. Later oontdèkde zie tot zie 'n haafbroor hadde, George Dryden (31 augustus 1892 - 30 september 1957), 'ne zoon vaan hun mam, ouch acteur en later wèrkzaam bij Charlie. Pa Chaplin storf es alcoholis wie Charlie 12 waor, zien mam storde geistelek in, en woort oetindelek opgenome in 'n gestiech, 't Cane Hill Asylum bij Croydon. Zie ging hiemele in 1928.

Stom films waore even gemekkelek te begriepe veur 'n Chinees publiek es veur 'n Amerikaans; Chaplin woort lètterlek 'n wereldster. Mèt d'n opkoms vaan de geluidsfilm begós zien reputatie minder te weure; zien 'forte' waor stèl speul. Ouch woort heer in de V.S. devaan besjöldeg communis te zien; heer vertrok nao Zwitserland.

Väöl minder bekind is tot heer neve acteur en rezjiseur ouch componis waor. Heer sjreef oonder aandere solowerke veur cello en de filmmeziek bij zienen eige film 'Modern Times', en 't wereldbereumpde nómmer 'Smile'.

Houweleke en kinder

Chaplin is veer kier getrouwd gewees (en had väöle affaires). Mèt:

Mildred Harris; zij kraoge 'ne zoon: Norman Spencer Chaplin (ouch wel "The Little Mouse" geneump), dee storf es baby.
Lita Grey.
Paulette Goddard, gei legaal houwelek.
Oona O'Neil. Dochter vaan toneelsjriever Eugene O'Neill. Toen zij trouwde waor Charlie 54 en Oona zjus 18. 't Houwelek woort umsjreve es gelökkeg. Zie kraoge drie zäöns: Christopher, Eugene en Michael Chaplin en vief dochters: Geraldine (ouch bekind es actrice), Josephine, Jane, Victoria en Annette-Emilie Chaplin. Oona storf, nao jaorelaank alcoholmisbruuk, in 1991 aon alvleesklierkaanker.

Erasmuspries

In 1965 oontvóng Charlie Chaplin oet han vaan Prins Bernhard in Rotterdam de Erasmuspries

Sterve

Charlie Chaplin störf in z'ne slaop in 1977 tijdes de nacht/mörge vaan ierste keersdaag aon 'ne hartstèlstand. Heer waor 88 jaor aajd.

Op 8 maart 1978 woort zien liek getik. 't Plan waor um losgeld te eise, mer dit mislökde en de deve woorte gearresteerd. 't Liek woort 11 weke later trökgevoonde bij 't meer vaan Genève en herbegraove oonder 180 cm beton.

Filmografie

Making a Living (1914)
The Kid Auto Races in Venice (1914)
Mabel's Strange Predicament (1914)
Between Showers (1914)
A Film Johnnie (1914)
Tango Tangles (1914)
His Favorite Pastime (1914)
Cruel, Cruel Love (1914)
The Star Boarder (1914)
Mabel at the Wheel (1914)
Twenty Minutes of Love (1914)
Caught in a Cabaret (1914)
Caught in the Rain (1914)
A Busy Day (1914)
The Fatal Mallet (1914)
Her Friend the Bandit (1914)
The Knockout (1914)
Mabel's Busy Day (1914)
Mabel's Married Life (1914)
Laughing Gas (1914)
The Property Man (1914)
The Face on the Bar Room Floor (1914)
Recreation (1914)
The Masquerader (1914)
His New Profession (1914)
The Rounders (1914)
The New Janitor (1914)
Those Love Pangs (1914)
Dough and Dynamite (1914)
Gentlemen of Nerve (1914)

His Musical Career (1914)
His Trysting Place (1914)
Tillie's Punctured Romance (1914)
Getting Acquainted (1914)
His Prehistoric Past (1914)
His New Job (1915)
A Night Out (1915)
The Champion (1915)
In the Park (1915)
A Jitney Elopement (1915)
The Tramp (1915)
By the Sea (1915)
His Regeneration (1915)
Work (1915)
A Woman (1915)
The Bank (1915)
Shanghaied (1915)
A Night in the Show (1915)
Burlesque on Carmen (1915)
Police (1916)
Burlesque on Carmen (1916)
The Floorwalker (1916)
The Fireman (1916)
The Vagabond (1916)
One A.M. (1916)
The Count (1916)
The Pawnshop (1916)
Behind the Screen (1916)
The Rink (1916)

Easy Street (1917)
The Cure (1917)
The Immigrant (1917)
The Adventurer (1917)
A Dog's Life (1918)
Triple Trouble (1918)
The Bond (1918)
Shoulder Arms (1918)
The Professor (1919)
Sunnyside (1919)
A Day's Pleasure (1919)
The Kid (1921)
The Nut (1921)
The Idle Class (1921)
Nice and Friendly (1922)
Pay Day (1922)
The Pilgrim (1923)
A Woman of Paris: A Drama of Fate (1923)
The Gold Rush (1925)
Camille (1926)
The Circus (1928)
City Lights (1931)
Modern Times (1936)
The Great Dictator (1940)
Monsieur Verdoux (1947)
Limelight (1952)
A King in New York (1957)
A Countess from Hong Kong (1967)

Media

Ierste fragmint oet de film "The Bond", 1918 (z/w)

Twiede fragmint oet de film "The Bond", 1918 (z/w)

Daarde fragmint oet de film "The Bond", 1918 (z/w)

Commons

In de categorie Charlie Chaplin van Wiki Commons zeen media gerelateerd aan dit óngerwerp te vènje

Extern linke

This article uses material from the Wikipedia Limburgs article Charlie Chaplin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.