Egiptio Naci-Demokratia Partio
La Naci-demokratia partio (arabe الحزب الوطنى الديمقراطى, latinliterigite Hizb al-ŭatani ad-dimukrati; mallongigo NDP) estas politika partio en Egiptio.
Ĝi estas membroasocio de la Socialisma Internacio (SI).
| Naci-demokratia partio | ||
|---|---|---|
| partio | ||
| Komenco | 2-a de oktobro 1978 vd | |
| Fino | 16-a de aprilo 2011 vd | |
| Lando(j) | Egiptio vd | |
| Sidejo | Kairo | |
| Ideologio | egipta naciismo | |
| Fondinto(j) | Anvar Sadat vd | |
| Ĉefestro(j) | Hosni Mubarak • Anvar Sadat vd | |
| Membro de | Socialista Internacio vd | |
| Retejo | Oficiala retejo | |
La partio fondiĝis en julio 1978 fare de la pli posta ŝtata prezidanto Anwar al-Sadat, kiu ĝis sia murdiĝo en 1981 estis la partia gvidanto. La plimulto de la partiaj kunfondintoj venis el la meza grupiĝo de la Araba Socialista Unio de Egiptio, la antaŭa ununura partio.
La Naci-demokratia partio ne havas unuecan ideologian koncepton. Tamen konstateblas konsento inter la partianoj favori la pacon kun Israelo, subteni la Ŝarion, do la islaman juran sistemon, kaj la politikajn celojn de Gamal Abdel Nasser kaj de Anwar al-Sadat. La oficiala ideologio de la partio estas la socialismo, tamen socialismo de tre araba formo.
Inter la proksimume 2,5 milionoj da partianoj estas la pli altrangaj ŝtataj oficistoj kaj multaj guberniestroj, urbkonsilistoj, vilaĝestroj kaj ankaŭ gvidaj armeanoj kaj ekonomiaj gvidantoj. Sekve en la partio samtempe reprezentiĝas Nasser-istoj kaj ekonomiliberaluloj. Post la morto de Anwar al-Sadat, la partiestro estas la nuna ŝtata prezidanto Hosni Mubarak. Ĝis la stato de januaro 2011 la partio estas senkonkurence la plej forta politika forto en Egiptio.
This article uses material from the Wikipedia Esperanto article Naci-demokratia partio (Egiptio), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.