The City Of No Limits
C'l artìcul chè 'l è scrit in Miranduléś
Miranduléś En la ciudad sin límites | ||
| The City of No Limits | ||
 Leonardo Sbaraglia in na figùra dal film | ||
| La sità sénsa lìmit 2002 | ||
|---|---|---|
| Regìa: Antonio Hernández | ||
| Scritōr: Enrique Brasó • Antonio Hernández | ||
| Atōr: Leonardo Sbaraglia • Fernando Fernán Gómez Geraldine Chaplin • Ana Fernández • Adriana Ozores | ||
| Müsica: Víctor Reyes | ||
| Léngua: Spagnōl • Francéś • Ingléś | ||
| Dürä dal film: 125 minüt | ||
| Nasiōṅ: Spaggna • Argintìna | ||
The City of No Limits (La sità sénsa lìmit) 'l è 'n film dramàtic dal 2002 'd Antonio Hernández, vinsidōr ad du Prèmi Goya par la senegiadùra uriginàla e par l'atōra minga prutagunìsta (Geraldine Chaplin).
Sunt
Dòp dimóndi tèmp ch'al n al véd mia, al spagnōl Victor Martín (Leonardo Sbaraglia) al riva a Parì par viśitàr sò pàdar Max (Fernando Fernan Gomez) ch'l è mis mâł a 'l uśdàł e ch'l è dvintâ anc mèś insiminî in cal méntar. Al ragàs, cumpagnâ par la sò muróśa argintìna Eileen (Leticia Brédice), al s śònta a sò màdar Marie (Geraldine Chaplin) e a i sò fradèi Luis (Roberto Álvarez) e Alberto (Àlex Casanovas) ch'i vrévan véndar 'l aśiénda 'd famìja a di ulandéś.
Victor al fà a mènt che sò pàd'r al ténd a butàr via śò da 'l cèso 'l madśìni ch'i gh dànan da tōr e na nòt 'l al bèca anc ch'al pruàva a scapàr via. Max al gh diś ch'a gh'è 'n cumplòt dla sò famìja sèg e al gh admànda 'd catàr un sèrt “Rangel” par dir-ag ch'l è in perìcul. Al vèć al gh mét in maṅ anc un butòṅ dgénd ad dar-'g-al che pò lò al capirà. Par cuntintàr-al, Victor al dmanda in gir nutìsi su cal tisi lè e 'l vîṅ a savēr che na vòlta, in un bar dal sèntar, i s catàvan di cumunìsta spagnōi par purtàr avànti la lòta cónt'r al ditadōr Francisco Franco e che “Rangel” 'l éra 'l scutmàj 'd 'n amìg ad sò pàdar, Joaquín Navarro (Alfredo Alcón).
La Marie, dimóndi malvluntéra, la cunfèsa che “Rangel” 'l éra mòrt in parśòṅ dòp èsar stâ arestâ a la fruntéra ma l'è na bala parchè in dla cambra 'd sò màdar Victor al cata 'n lìbar scrit in dal 1987 par Joaquín Navarro, dvintâ scritōr in cal méntar. Al śōv'n al vōl andàr-'g a fónd par dasquaciàr cal segrét lè.
Culegamènt estéran
This article uses material from the Wikipedia Emiliàn e rumagnòl article The City of No Limits, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.