C'l artìcul chè 'l è scrit in Miranduléś
Al teàtar Storchi 'l è 'n teàt'r ad Mòdna. Al s cata in Larg Garibàldi 15, subìt fóra da 'l sèntar stòric p'r andàr a Bulógna, darènt a la Funtàna di dū fiùm.
'L è stâ inaugurâ al 24 ad Mars dal 1889 cun l'òpra Al dóni curióśi 'd Emilio Usiglio.
In dla secónda mità dal XIX sécul, dòp che 'n inséndi 'l iva culpî al teàt'r Aliprandi in dal 1881 e che soquànti aréni pruviśòri i éran stadi tiràdi śò in cal méntar, Mòdna la n gh'iva piò di edifìsi da druàr par di spetàcui. A cal punt lè alóra 'l negusiànt Gaetano Storchi 'l iva decìś ad rigalàr a la sò sità 'n teàtar nóṿ, pagâ druànd i sò bèsi, su 'n prugèt d'l architét Vincenzo Maestri.
Al teàtar 'l è stâ fat in stîł grèc-rumàṅ su 'n sit lasâ lìbar dòp ch'a s éra tiràda śò la pòrta Bulógna (1882). 'L edifìsi al gh'à dū fasàdi, una su Larg Garibàldi a nòrd, qvéla prisipàla, e una su Viàł di Màrtir dla Libertà a òvest.
In dal 1981 al cumùn ad Mòdna 'l à tacâ a tgnir adrē a la gestiòṅ faghénd anc soquànt intervènt ad ristruturasiòṅ finî in dal 1986.
Da 'l 12 ad Mars dal 1990 al Teàtar Stòrchi 'l è gestî da 'l ERT Emìglia Rumàgna Teàtar Fundasiòṅ.
This article uses material from the Wikipedia Emiliàn e rumagnòl article Teàtar Storchi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.