Omen - Il Presagio
C'l artìcul chè 'l è scrit in Miranduléś
Miranduléś The Omen | ||
| Omen - Il presagio | ||
 La Remick, Stephens e Peck in na figùra dal film | ||
| Omen - Al preśàgi 1976 | ||
|---|---|---|
| Regìa: Richard Donner | ||
| Scritōr: David Seltzer | ||
| Atōr: Gregory Peck • Lee Remick • David Warner Harvey Stephens • Billie Whitelaw • Patrick Troughton | ||
| Müsica: Jerry Goldsmith | ||
| Léngua: Ingléś | ||
| Dürä dal film: 111 minüt | ||
| Nasiōṅ: Stat Unî | ||
Omen - Il presagio (Omen - Al preśàgi) 'l è 'n film ad scarésa americàṅ dal 1976, girâ par Richard Donner c'n un budget ad dū migliòṅ e òt ad dòlar a 'l incìrca. Al 'n à pò fat sù da piò ad ssanta.
'L è 'l prim tìtul dla sèrie dal Preśàgi. I film ch'i vgnaràṅ dòp i èṅ Omen II - La maledizione di Damien (1978), Omen III - Conflitto finale (1981) e a Omen IV - Presagio infernale (1991). In dal 2006 a s è śuntâ pò 'n arfacimènt ad cla pelìcula chè, Omen - Il presagio 6+6+6.
Sunt
Robert Thorn (Gregory Peck), 'l è 'n diplumàtic americàṅ ch'al viṿ in Itâglia insém a sò mujér Katherine (Lee Remick). Chi lē la gh'à 'd avér fiōl. Dòp avér aburtî par dū vòlti in pasâ, n'atra daśgràsia l'è lè ch'la la spèta parchè 'l putèṅ al nas mòrt. Al prevòstar d'l uśdàl, pàdar Spiletto (Martin Benson), al gh śibìs alóra ad far un scambi ad cuni par tōr a 'l sò pòst un putèṅ dna dóna ch'l'éra mòrta 'd part. P'r a n far piò patìr sò mujér, Robert al diś ad sè e al tōś Damien (Harvey Stephens) fra i sò bras sénsa cuntàr gnint a la Katherine.
In dal gir ad sinc an i sucédan pò di fat ch'i gh càmbian la sò vita. Dòp èsar stâ numinâ ambasadōr americàṅ p'r al Régn Unî, al gh'à da védar la badànta ad sò fiōl (Holly Palance) impicàr-as butand-as śò a pēś mòrt cun na lasa a 'l còl da 'l téǵ dla scóla dòp avér sigâ «Guàrd-um Damien, a 'l fag giùst par tè!». 'L éra 'l cumpléan ad Damien.
Soquànt tèmp dòp al vèṅ davśinâ da pàdar Brennan (Patrick Troughton) ch'l al mét in guàrdia da Damien dgénd che lò al sà incòsa, ch'al s catàva a Róma quànd 'l è nâ e ch'l à vdû anc la màdar, na siacàla a dir dabòṅ. Thorn però 'l al para via. Turnâ a cà, al tōś a lauràr sèg la badànta nóva ad sò fiōl, la sgnóra Baylock (Billie Whitelaw).
Culegamènt estéran
This article uses material from the Wikipedia Emiliàn e rumagnòl article Omen - Il presagio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.