Lo Squalo
C'l artìcul chè 'l è scrit in Miranduléś
Miranduléś Jaws | ||
| Lo squalo | ||
 Roy Scheider in na figùra dal film | ||
| Al squâl 1975 | ||
|---|---|---|
| Regìa: Steven Spielberg | ||
| Scritōr: Peter Benchley • Carl Gottlieb | ||
| Atōr: Roy Scheider • Robert Shaw • Lorraine Gary Richard Dreyfuss • Murray Hamilton • Lee Fierro Chris Rebello • Susan Backlinie • Jeffrey Kramer | ||
| Müsica: John Williams | ||
| Léngua: Ingléś | ||
| Dürä dal film: 119 minüt | ||
| Nasiōṅ: Stat Unî | ||
Lo squalo (Al squâl) 'l è 'n film ad scarésa americàṅ dal 1975 ad Steven Spielberg trat da 'n lìbar ad Peter Benchley ch'al cònt' i fat sucès in dal 1916, gl'atàc ad soquànt squài in dal New Jersey.
A i Prèmi Òscar dal 1976 'l à purtâ a cà tri statvi p'r al muntàǵ, par la culòna sunóra e p'r al sunôr. La pelìcula la gh'à abû anc tri séguit: Lo squalo 2 (1978), Lo squalo 3 (1983) e Lo squalo 4 - La vendetta (1987).
Sunt
Durànt na fèsta ad nòt in sna spiàgia in sl'ìśula 'd Amity, la śōvna Christine Watkins (Susan Backlinie) la decìd 'd andàr a far-as na nudàda da par lē ma tut 'd un trat la vèṅ tiràda śò finénd sót' àqua e ninsòṅ a sènt i sò sîg. La matìna dòp al cap dla pulisìa Martin Brody (Roy Scheider) a riva lè parchè i gh dìśan che la ragasōla l'è sparìda e lò al n pōl far àtar che guardàr-'n i rèst scavśâ in sla sàbia. Brody, sicûr ch'in dal mâr a gh sia 'n squâl, al fà saràr tut i stabilimènt par di mutìṿ ad sicurésa ma 'l sìndic dla sitadìna, Larry Vaughn (Murray Hamilton), al scanśèla 'l pruedimènt vint-quàt'r óri dòp p'r a n pèrdar la stagiòṅ turìstica e i bèsi che la fèsta dal 4 ad Luj la prév purtàr. Al diś acsè che la Christine l'è mòrta ciapànd atàc a la lèlca dna barca.
Soquànt tèmp dòp però a mōr anc un putèṅ, Alex Kintner (Jeffrey Voorhees), ch'al tulìva 'l sōl insìma a 'n stramasèṅ da mâr e adès 'l è ciàr ch'l'è òpra 'd un squâl dabòṅ. Sò màdar la prumét na taja ad tri-mila dòlar a chi gh la cavarà a ciapàr cla bistiàsa lè. I rìv'n in sal pòst Quint (Robert Shaw), un casadōr prufesiunìsta, e Matt Hooper (Richard Dreyfuss), sudióś di pés e di mâr.
Culegamènt estéran
This article uses material from the Wikipedia Emiliàn e rumagnòl article Lo squalo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.