C'l artìcul chè 'l è scrit in Miranduléś
La Cyndi Lauper, nóm 'd art ad la Cynthia Ann Stephanie Lauper (New York, 22 ad Śugn dal 1953) l'è na cantànta americàna.
In di an Stanta la Cyndi la taca a cantàr in soquànti cover band faghénd anc di pès di Led Zeppelin e Bad Company. In dal 1980 la fà gnir fóra al sò prim disc insém a 'n sò grup, i Blue Angel. Al sò prim disc da par lē 'l è dal Dicémbar dal 1983 e al pòrta al tìtul ad She's So Unusual (Lē l'è una fóra dal cumùṅ) cun i sìngui ad sucès Girls Just Want To Have Fun, Time After Time e She Bop. Dū an dòp 'l è al tùran ad True Colors (Culōr Véra).
In dal 1989 la fà catàr in di negósi A Night to Remember (Na nòt d'arcurdàr), disc famóś par la canta I Drove All Night.
A partìr da 'l quàrt disc (Hat Full of Stars, Capèl pîṅ ad stéli), anc par via 'd avér sarnî di parcōrs minga cumerciài, i sò lavōr i tàcan a véndar da méno.
This article uses material from the Wikipedia Emiliàn e rumagnòl article Cyndi Lauper, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.