Ladro Di Donne
C'l artìcul chè 'l è scrit in Miranduléś
Miranduléś Thief of Hearts | ||
| Ladro di donne | ||
 Steven Bauer in na figùra dal film | ||
| Lad'r ad dóni 1984 | ||
|---|---|---|
| Regìa: Douglas Day Stewart | ||
| Scritōr: Douglas Day Stewart | ||
| Atōr: Steven Bauer • Barbara Williams • John Getz David Caruso • Christine Ebersole • George Wendt | ||
| Müsica: Harold Faltermeyer | ||
| Léngua: Ingléś | ||
| Dürä dal film: 100 minüt | ||
| Nasiōṅ: Stat Unî | ||
Ladro di donne (Lad'r ad dóni) 'l è 'n film dramàtic americàṅ dal 1984 scrit e dirèt par Douglas Day Stewart.
Al film, ch'l è stâ bòṅ ad far sù da piò ad déś migliòṅ ad dòlar, 'l è stâ numinâ a i Razzie Awards p'r al pès Metropolis ad Giorgio Moroder.
Sunt
Scott Muller (Steven Bauer) 'l è 'n làdar ch'l è sòlit rubàr in dal cà dla gint famóśa e cun di bèsi, cun 'l ajùt dal sò amìg rós ad cavìi Buddy Calamara (David Caruso), camarēr in un risturànt, ch'l al ciàma sèmpar par dir-ag quànd al vili da vudàr i èṅ libri, esénd i pruprietàri lè da lò a magnàr.
Na nòt Scott al fà 'n cōlp a cà dal scritōr ad lìbar par putèṅ Ray Davis (John Getz) e 'd sò mujēr Mickey (Barbara Williams), aredadōra 'd mistēr insém a la sò culéga Janie Pointer (Christine Ebersole). Turnâ a cà Scott al taca a lèś'r al diàri ch'l à śgranfgnâ via a la dóna e acsè al s rénd cònt che chi lē la gh'à dimóndi segrét eròtic esénd che lè insìma i gh'èṅ scrit tut i sò pinsēr. Al śōvan al taca a inamuràr-'s ad lē tant che c'n al putàni al patìs al mâł dla lumàga pròpria parchè al gh'à la tèsta da n'atra banda. Al taca acsè a far in manéra 'd incruśàr-la dapartùt, pò al gh admànda 'd aredàr la sò cà, faghénd-ag sèmpar di cumplimènt e mandànd-ag dal róśi che la Mickey, trascuràda da sò marè, la gradìs dimóndi. I dū i finìs'n a lèt e Ray, ch'l à naśâ i còran, al s cunfìda c'n al sò editōr, Marty Morrison (George Wendt).
Culegamènt estéran
This article uses material from the Wikipedia Emiliàn e rumagnòl article Ladro di donne, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.