La Niña Santa
C'l artìcul chè 'l è scrit in Miranduléś
Miranduléś La niña santa | ||
 La María Alche in na figùra dal film | ||
| La santa putìna 2004 | ||
|---|---|---|
| Regìa: Lucrecia Martel | ||
| Scritōr: Lucrecia Martel • Juan Pablo Domenech | ||
| Atōr: Mercedes Morán • Alejandro Urdapilleta Carlos Belloso • María Alche • Mía Maestro Julieta Zylberberg • Marta Lubos • Arturo Goetz | ||
| Müsica: Andres Gerszenzon | ||
| Léngua: Spagnōl | ||
| Dürä dal film: 106 minüt | ||
| Nasiōṅ: Argintìna • Spaggna • Itàglia • Ulànda | ||
La niña santa (La santa putìna) 'l è 'n film dramàtic dal 2004 dla Lucrecia Martel, prudót par Pedro Almodóvar.
La pelìcula l'è stada preśentàda a 'l 57śum Fèstival ad Cannes.
Sunt
L’Helena (Mercedes Morán) e sò fradèl Freddy (Alejandro Urdapilleta) i èṅ i pruprietàri d'l hutèl lòfi Termas, in dla sitadìna argintìna ad La Ciénaga, ch'i pòrt'n avànti cun 'l ajùt dla Mirta (Marta Lubos). Tut dū i èṅ di genitōr separâ, la mujēr ad Freddy l'è turnàda in Cîl insém a i sò dū fiōi méntar l’Helena l'è armàśa cun la sò ragasōla 'd séd'ś an da crésar da par lē, l’Amalia (María Alche). Adès al sò èx marè al spèta dū śmèj da la sò dóna ma l’Helena la n in vōl savēr pròpria par gnint.
L’Amalia la và a 'l catechìśum insém a la sò amìga Josefina (Julieta Zylberberg), tuti e dū i prégan da spés ma i gh'aṅ da far anc i cònt cun la vója 'd sès ch'a gh'è vgnû tant ch'la Josefina l'à bèla tacâ a 'ndàr a lèt cun Julian (Leandro Stivelman), anc s'la preferìs far-as dar in dal cûl par rivàr vìrgin a 'l matrimòni.
Un dè, méntar l’Amalia l'è drē a scultàr un sunadōr ad theremin insém a 'l sò amìghi, la sènt pugiàr-as da drē al pac dal braghi dal dutōr Jano (Carlos Belloso), un mèdag ch'l à tòlt pòst in d'l hutèl ad sò màdar par na cunferénsa insém a di àtar sò culéga cuma 'l dutōr Vesalio (Arturo Goetz) e 'l dutōr Cuesta (Alejo Mango). La ragasōla, sinténd al cuntàt cun 'n óm, la gh'armàgn dabòṅ e la taca a 'vēr 'n usesiòṅ p'r al luminàri che però, esénd bèla spuśâ, al s tira indrē.
Culegamènt estéran
This article uses material from the Wikipedia Emiliàn e rumagnòl article La niña santa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.