Bosch I Sêt Epchê Capitêl

I sêt epchê capitêl egl'ìn na pitùra a òli in sìm'a tèvla dl inìsi dal Sincsèint, ch'a s pèinsa ch'la sìa stèda fàta da 'l Śrònim Bosch.
La pitùra la figùra, in sêt fèti 'd un sérć, i sêt epchê capitêl, corespondàint ai sêt vìsi capitêl che la Céśa catòlica l'ìva dìt: l'arlìa, la piuciarìa, l'invìdia, la supèrbia, l'ingurdìśia, la pecundrìa, e la lusùria. Chel figurasiòun chè i prìlen dintór'n a 'n bòl sentrêl ch'al figùra 'n Crìst ch'al surtìs dala só tòmba e la scrìta latèina Cave cave dominus videt, c'm'a dìr "Stà bèin atèinti che Dio 'l gh'vèd".
In di quàter cô dal quadrê edla tèvla a s cata incòr quàter bòl cun dàinter piturèdi el figurasiòun ed quêl ch'a sucēd a la fîn edla vìta dl òm: "La mort dal pecadōr", "'L ùltem Giudìsi", "'L infèren" e "La glòria".
Dū strìsi 'd cherta piturèdi 'd sóver e 'd sòta in dla tèvla, i diśen in latèin «Gens absque consilio est et sine prudentia / utinam saperent et intelligerent ac novissima providerent» a dìr ch'«L'è ginta sàinsa giudìsi e prudàinsa, che s'i psìsen savér e capìr i pinsarèven a quêl ch'a gh'spêta») e 'd sòta «Nascondam faciem meam ab eis considerabo novissima eorum» a dìr ch'«A scundarò la mé ghìgna da lōr e a pinsarò a la só fîn».

I sêt epchê capitêl

• 
  L'arlìa
• 
  La piuciarìa
• 
  L'invìdia

• 
  La supèrbia
• 
  L'ingurdìśia
• 
  La pecundrìa
• 
  La lusùria

El quàter pitùri dla fîn edl òm

• 
  « Mort dal pecadōr », indû 'n àngel e 'n dièvel i gh'péśen l'alma.
• 
  « Ùltem Giudìsi ».
• 
  « Infèren » e la punisiòun di sêt epchê capitêl.
• 
  « Glòria » o 'l Paradîś.

Vóś lighèdi

• vìsi capitêl
• Śrònim Bosch

Èter progêt

• Wiki Commons contiene file multimediali su I sêt epchê capitêl (Bosch)

Colegamèint estèren

• (EN) La só schéda in dal sit dal Muśèo Del Prado in ligna.