Elesiòṅ Federàli In Germàgna Dal 2017
C'l artìcul chè 'l è scrit in Miranduléś
Miranduléś
Gl’Elesiòṅ federàli in Germàgna dal 2017 p'r elèś'r i mémbar dal parlamènt, al 19śum Bundestag, i gh'èṅ stadi Dméndga 24 ad Setémbar.
La sgnōra Angela Merkel, canselēra in carga, la curìva p'r un quàrt mandâ p'r al partî di Cristiàṅ Demucràtic (CDU) insém a la sò cumpunènta bavaréśa dl'Ugnòṅ Cristiàna-Suciàla (CSU). I sucialìsta demucràtic dl'SPD, ch'i ér'n a 'l guèran sèg in dla “Grosse Koalition”, i aṅ candidâ 'l èx presidènt dal parlamènt européo Martin Schulz, i Vérd Cem Özdemir e la Katrin Göring-Eckardt, la sinìstra dla Linke Dietmar Bartsch e la Sahra Wagenknecht, i liberài dal FDP Christian Lindner mént'r al partî neo-naśìsta dl'Alternatìva par la Germàgna (AfD) Alexander Gauland e l'Alice Weidel.
In dgl'elesioṅ ad quàt'r an prima la CDU/CSU l'iva muciâ sù al 41,5% di vōt (e 'l 49,35% di séǵ), 'l SPD al 25,7%, la Linke 'l 8,6%, i Vérd 'l 8,4% méntar tut chi àtar partî i n gh l'ìvan minga cavàda a pasàr al śbaramènt dal 5%.
Riśultâ
.jpg)
I vutànt i èṅ stâ 61.675.529 (76,2%). Al partî rivâ prim 'l è stâ la CDU/CSU dla Merkel c'n al 32,9% però paténd na crudàda dal 8,6%. Anc i sucialìsta i èṅ andâ mâł muciànd in tut al 20,5% (-5,2%).
Ólt'r a la Linke (9,1%) e a i Vérd (9,0%), ch'i crésan 'd mèś punt a 'l incìrca, i tórn'n in parlamènt anc i liberài ch'i ardópian a la granda i sò vōt (10,7%). Par la prima vòlta al pòrta di sò rapreśentànt a 'l Bundestag un partî a la dèstra di Cristiàṅ Demucràtic, qvéi dl’AfD (12,6%), ch'l à fat al pîṅ in dl'èx DDR, specialmènt in dla regiòṅ dla Sasògna (prim partî c'n al 27,0%). La SPD l'è rivàda prima sōl in dla sità-stat ad Bréma (26,3%) mént'r in tut chi àtar land l'à vins la CDU/CSU.
| PARTÎ | VŌT MAGIURITÀRI | % | +/- | DEPUTÂ | +/- | VŌT PRUPURSIUNÀŁ | % | +/- | DEPUTÂ | +/- | DEPUTÂ TUTÀI | +/- |
|---|---|---|---|---|---|---|---|---|---|---|---|---|
| CDU - Cristiàṅ Demucràtic | 14.027.804 | 30,2 | -7,0 | 185 | -6 | 12.445.832 | 26,8 | -7,3 | 15 | -49 | 200 | -55 |
| CSU - Ugnòṅ Cristiàna-Suciàla | 3.255.604 | 7,0 | -1,1 | 46 | +1 | 2.869.744 | 6,2 | -1,2 | 0 | -11 | 46 | -10 |
| SPD - Partî Suciàl-Demucràtic | 11.426.613 | 24,6 | -4,8 | 59 | +1 | 9.538.367 | 20,5 | -5,2 | 94 | -41 | 153 | -40 |
| AfD - Alternatìva par la Germàgna | 5.316.095 | 11,5 | +9,6 | 3 | +3 | 5.877.094 | 12,6 | +7,9 | 91 | +91 | 94 | +94 |
| FDP - Partî Liberàł-Demucràtic | 3.248.745 | 7,0 | +4,6 | 0 | - | 4.997.178 | 10,7 | +5,9 | 80 | +80 | 80 | +80 |
| Linke - La Sinìstra | 3.966.035 | 8,6 | +0,4 | 5 | +1 | 4.296.762 | 9,2 | +0,6 | 64 | +4 | 69 | +5 |
| Aleànsa 90/Vérd | 3.717.436 | 8,0 | +0,7 | 1 | - | 4.157.564 | 8,9 | +0,5 | 66 | +4 | 67 | +4 |
This article uses material from the Wikipedia Emiliàn e rumagnòl article Elesiòṅ federàli in Germàgna dal 2017, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.