Donne Facili
C'l artìcul chè 'l è scrit in Miranduléś
Miranduléś Les bonnes femmes | ||
| Donne facili | ||
 L'Audran, la Lafont e la Ninchi in na figùra dal film | ||
| Dóni fàcili 1960 | ||
|---|---|---|
| Regìa: Claude Chabrol | ||
| Scritōr: Claude Chabrol • Paul Gégauff | ||
| Atōr: Bernadette Lafont • Lucile Saint-Simon Stéphane Audran • Clotilde Joano • Pierre Bertin Ave Ninchi • Albert Dinan • Jean-Louis Maury Sacha Briquet • Claude Berri • France Asselin | ||
| Müsica: Paul Misraki • Pierre Jansen | ||
| Léngua: Francéś • Itagliàṅ | ||
| Dürä dal film: 100 minüt | ||
| Nasiōṅ: Frància • Itàglia | ||
Donne facili (Dóni fàcili) 'l è 'n film dramàtic francéś e itagliàṅ dal 1960 ad Claude Chabrol. 'L è stâ girâ in biànc e négar. In Itàglia 'l è stâ tajâ dimóndi quànd 'l è vgnû fóra, specialmènt in dal part in dua l'Ave Ninchi la tiràva fóra da la sò burséta al fasulét da naś spòrc ad sangṿ ad 'l ùltim cundanâ a mòrt in piàsa e che lē la tgniva dacàt par feticìśum.
A la prima dal film al pùblic, incasâ négar c'n al regìsta par 'l òdi ch'al parìva avér-ag p'r i sò persunàǵ, al 'l à fisćiâ 'd brut e al vliva anc dar-'g-i śò.
Sunt
La Jane (Bernadette Lafont), la Jacqueline (Clotilde Joano), la Ginette (Stéphane Audran) e la Rita (Lucile Saint-Simon) i èṅ quàtar cumési ch'i lavór'n insém a la caséra Louise (Ave Ninchi) in un negòsi ch'al vénd di eletrudumèstic dal sgnōr Belin (Pierre Bertin), più stric 'd un genuvéś, ch'a s cata a Parì davśèṅ a la Bastìa. In dal tèmp lìbar i péscan dal divertimènt e anc 'l amōr, tgnénd a drē a i sò deśidèri, anc parchè al mistēr ch'i fànan 'l i fiàca dimóndi.
La Jane al muróś la gh 'l à , òṅ ch'al fà 'l servìsi militàr (Claude Berri), ma la và listés a lèt c'n un femnàr. Anc la Rita l'è impgnàda avénd-ag na stòria cun Henri (Sacha Briquet), al fiōl 'd un butgàr ad furmàj e salùm, cun di parènt difìcii da cumpatìr-as. La Ginette, la più vècia dal quàtar, ad sira la fà la cantànta. La Jacqueline invéci la créd 'd avér catâ 'l amōr in André Lapierre (Mario David), òṅ ch'al gira in mòta e ch'al pâr un braṿ ragàs, ma 'l al pâr sōl.
Culegamènt estéran
Nòti
This article uses material from the Wikipedia Emiliàn e rumagnòl article Donne facili, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.