C'l artìcul chè 'l è scrit in Miranduléś
Detroit (a s lèś /dɪˈtʰɹɔɪt/ in d'l Ingléś) l'è na sità di Stat Unî fundàda in dal 1701 ad siesènt-stantamìla abitànt a 'l incìrca ch'la s cata in dal stat dal Mìchigan esénd anc la sò più granda. A 'l dè 'd incō l'è 'l 23śum sèntar più grand dal paéś ma in di an Sinquànta la muciàva sù dagnóra dū migliòṅ 'd abitànt quànd l'indùstria dal màchini dla General Motors l'andàva fòrt. La sità la s cata su 'l fiùm Detroit in frònt a la sità canadéśa 'd Windsor.
La ciàpa 'l nóm da la paròla francéśa détroit ch'la vōl dir strét mént'r al sò mòt, in latìn, 'l è “Speramus Meliora; Resurget Cineribus” ch'al vō dir “Sperém p'r al méj; A suśrà da 'l séndri”. In dal 2013 la sità l'à fat bacaróta.
Stand a 'l censimènt dal 2010 la sò pupulasiòn la s divìd in un 82,7% ad négar, un 10,6% ad biànc e 'n 1,1% 'd aśiàtic, p'r al rèst rasi misći. Da 'l 2014 al sìndig 'l è 'l demucràtic Mike Duggan.
This article uses material from the Wikipedia Emiliàn e rumagnòl article Detroit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.