Crimini Sul Fiume Hudson
C'l artìcul chè 'l è scrit in Miranduléś
Miranduléś Interstate 84 | ||
| Crimini sul fiume Hudson | ||
 John Littlefield in na figùra dal film | ||
| Crìmin su 'l fiùm Hudson 2000 | ||
|---|---|---|
| Regìa: Ross Partridge | ||
| Scritōr: Ross Partridge | ||
| Atōr: Kevin Dillon • John Doman • Megan Dodds John Littlefield • Harley Cross • Clifton James Joel Marsh Garland • Susan Varon • Vinny Vella | ||
| Müsica: Joel Goodman | ||
| Léngua: Ingléś | ||
| Dürä dal film: 99 minüt | ||
| Nasiōṅ: Stat Unî | ||
Crimini sul fiume Hudson (Crìmin su 'l fiùm Hudson) 'l è 'n film dramàtic dal 2000 scrit e diret par Ross Partridge. 'L è stâ prudót par Kevin Spacey.
Sunt
Al pascadōr Jack Rice (Jeff Weiss) al cata 'n cadàvar dènt'r a gl'àqui dal fiùm Hudson. Al tenènt Montaldo (John Doman) al ciàma 'l sò culéga Joe Weldon (John Littlefield) par gl'indàśin, pò al dmanda a 'l sò amìg Buddy (Clifton James) ad tiràr-al fóra da 'd lè par far l'autopsìa. Ravanànd in dal pòrta-fój vōd dal mòrt, ch'a n s sà gnanc chi al sia, Montaldo al véd un fujét cun scrit insìma un nùm'r ad telèfun, qvél 'd un sèrt Joe (John Littlefield). Chi lò in pasâ al gh'à abû di prubléma cun la giustìsia traficànd c'n al malvivènt Pants (Vinny Vella) mo adès al s è mis a rigàr drit anc parchè al s è spuśâ cun la Lisa (Tonia Lynn Barber) e 'l gh'à abû anc un putèṅ sèg.
Montaldo al s fà dar da l’Angelina (Marilyn Dobrin) la caséta dal telecàmeri dal servìsi 'd pedàǵ dal pònt par védar s'a s è tòlt śò al mumènt d'l umisìdi. Al pulisiòt al véd ch'un śōvan drugâ ad daśdòt an ciamâ Freddie (Harley Cross), rós ad cavìi, catìṿ e fasìsta, 'l éra là quànd a gh'è stâ 'l masamènt e che pò 'l è scapâ via sénsa pagàr. Al decìd acsè ad métar-'l in parśòṅ. Vinnie e Freddie i ìvan vdû soquànti vòlti la vitma, un budlòṅ ch'al dgiva 'd ciamàr-as Hap (Joel Marsh Garland), armàgnar su 'l pònt Newburgh–Beacon Bridge a guardàr fis ad sóta la statàł Interstate 84.
In cal méntar Joe al gh'à di prubléma suo da risòlvar parchè 'l è in criśi cun sò mujēr, la Wendy (Megan Dodds), ch'la 'l à mulâ tacànd a véd'r-as cun 'n àt'r óm. P'r al daspiaśēr Joe al taca a bévar.
Culegamènt estéran
This article uses material from the Wikipedia Emiliàn e rumagnòl article Crimini sul fiume Hudson, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.