Blow Out
C'l artìcul chè 'l è scrit in Miranduléś
Miranduléś Blow Out | ||
 La Nancy Allen e John Travolta in na figùra dal film | ||
| Paràr via 1981 | ||
|---|---|---|
| Regìa: Brian De Palma | ||
| Scritōr: Brian De Palma | ||
| Atōr: John Travolta • Nancy Allen • John Lithgow Dennis Franz • Peter Boyden • John McMartin Curt May • J. Patrick McNamara • Missy Cleveland | ||
| Müsica: Pino Donaggio | ||
| Léngua: Ingléś | ||
| Dürä dal film: 105 minüt | ||
| Nasiōṅ: Stat Unî | ||
Blow Out (Paràr via) 'l è 'n thriller dal 1981 ad Brian De Palma ch'al 'l à anc scrit. La prutagunìsta, la Nancy Allen, in alóra l'éra la mujér dal regìsta e qvést chè 'l è 'l ùltim film girâ sèg anc parchè dū an dòp i s èṅ divìś.
Al film 'l è custâ daśdòt migliòṅ ad dòlar ma al 'n à pò fat sù sōl dódas.
Sunt
Jack Terry (John Travolta) 'l è 'n ex pulisiòt ad Philadelphia ch'adès al scampa faghénd al tècnic dal sòṅ p'r un film ad scarésa da quàtar sòld. Méntar 'l è drē a pascàr un sîg bòṅ scultànd soqànt nàstar, al fà a mènt par caś a 'n stus dna màchina ch'la finìs in un turènt. Quànd al và là, al la véd dabòṅ in dl'àqua e al gh la cava a salvàr na ragàsa ch'la s catàva dèntar, la putàna Sally (Nancy Allen), ma minga 'l óm ch'al la guidàva ch'al mōr andgâ, al guvernadōr dal Stat e candidâ a gl'elesiòṅ par dvintàr presidènt, McRyan (John Hoffmeister).
Scultànd par bèṅ i nàst'r a cà, Jack al fà a mènt a 'n ciòc 'd un spâr e al capìs acsè ch'a n è minga stâ 'n incidènt ma 'n umisìdi pulìtic. La pulisìa però al n gh dà minga a mènt e lò 'l è custrét a 'ndàr-'g a fónd da par lò insém a la Sally, c'n i dū ch'i tàc'n anc a 'ndàr fóra insém. A la televiśiòṅ, al tècnic al vèṅ a savér ch'in dal pòst, al dè d'l incidènt, a s catàva 'n futògraf, Manny Karp (Dennis Franz).
Culegamènt estéran
This article uses material from the Wikipedia Emiliàn e rumagnòl article Blow Out, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.