Assassination Tango
C'l artìcul chè 'l è scrit in Miranduléś
Miranduléś Assassination Tango | ||
 Robert Duvall in na figùra dal film | ||
| Masamènt Tango 2002 | ||
|---|---|---|
| Regìa: Robert Duvall | ||
| Scritōr: Robert Duvall | ||
| Atōr: Robert Duvall • Rubén Blades • Kathy Baker Luciana Pedraza • James Keane • Kate Micheaux Julio Oscar Mechoso • Frank Gio • Renee Victor | ||
| Müsica: Luis Bacalov | ||
| Léngua: Ingléś • Spagnōl • Tedésc | ||
| Dürä dal film: 114 minüt | ||
| Nasiōṅ: Stat Unî • Argintìna | ||
Assassination Tango (Masamènt Tango) 'l è 'n film dramàtic dal 2002 scrit e dirèt par Robert Duvall ch'al 'l à anc recitâ da prutagunìsta e prudót insém a Francis Ford Coppola.
'L è stâ girâ dagnóra tut a Buenos Aires.
Sunt
John J. Anderson (Robert Duvall) al viṿ a New York insém a la sò muróśa Maggie (Kathy Baker) e a la Jenny (Kate Micheaux), la putìna che lē l'à abû da 'n àt'r óm prima 'd cgnós'r-al. Un dè al partìs p'r un lavōr da far in Argintìna, un quèl ch'la sò dóna la n s pōl gnanc imaginàr: John 'l è 'n sicàri ch'al masa par cònt ad chi gh dà di bèsi.
Rivâ in dal paéś sudamericàṅ, John al dascór cun Miguel (Rubén Blades) ch'al gh diś ch'al gh'à da cupàr Humberto Rojas (Elvio Nessier), 'n èx generàł in pensiòṅ ch'l éra stâ prutagunìsta dla ditatùra militàra in di an Stanta e ch'adès al gh'à da cagàr-la s'al fus in bras a Dio par tut i masamènt ad gint inusènta ch'l iva fat in alóra.
Esénd ch'la misiòṅ la gh'à 'n ritàrd par 'n incidènt capitâ a 'l militàr, John al in prufìta par dedicàr dal tèmp a la sò pasiòṅ: al tang. 'L óm al s mét a tōr dal lesiòṅ da la Manuela (Luciana Pedraza), na mistra ad cal bal lè.
Culegamènt estéran
This article uses material from the Wikipedia Emiliàn e rumagnòl article Assassination Tango, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.