Ɖʊmaa kɛ tɛtɛ kpɩna wena afɛyɩna nɩŋgbanzɩ yɔ.
Po-tomnasɩ yɔɔ loza kpɛdɛ kpɛdɛ. Ɖʊmaa nabɛyɛ ɖaɣla siŋŋ nɛ lalaa ɖaɣlakɩŋ maɣna. Paaɖɔʊ ɖʊmaa ɖɩsɩ ɛzɩ pɔɖɔʊ sumasɩ yɔ. Ɖʊmaa sʊsaa nabɛyɛ hɩla kɔyɔ:
Pʊwɛ se ɖɩtɩlɩ sise ɖʊm wɛʋ mbʋ yɔ, ɛñasɩɣ. Ɖʊm ñazɩɣ alɩwaatʋ ndʋ ɛyʋ fɛyɩ ɛ-yɔɔ yɔ. Ɖʋmaa wɛ ndɩ ndɩ nɛ pa-patʋ wɛɛ ɖɔɖɔ ndɩ ndɩ. Ɖʋm weyi payaɣ se wɩsɩ kegbeŋga yɔ, ɛ-patʋ wɛ ɖoŋ kamaɣ fɛyɩ. Pɩtɛkɛ yem nɛ payaɣ-ɩ se wɩsɩ kegbeŋga. Yee ɛñasɩ ɛyʋ nɛ potowona-ɩ lɔŋ ɖɔkɔta yaa kɔɔ pɩyɛ naɖɩyɛ yɔɔ kɔyɔ, wɩsɩ kekpeŋ lɛ, pʋdʋ kpeŋ ɖɔɖɔ ; pʋ-tɔbʋʋ se pʋdʋ sɩkɩ pʋcɔ tɛʋ fe.
Laŋ nɛ ñɩtʊ pa-taa ɖʋmaa kɩlɩɣ caɣʋ. Yee mbʋ pɛwɛ ɖeu se ɖɩhayɩ ɖa-ɖɩsɩ wayɩ nɛ ɖʋmaa ɛtaasʋʋ ɖa-ɖɩsɩ.
Ɖʊmaa nabɛyɛ huzuu ɛyaa ɛza taa. Yee ɖʋm ehuzi ɛyʋ ɛza pe taa kɔyɔ, pʋdʋ yʋlʋmʋʋ.
Ɖʊmaa wɛ paa tɛtʋ wandamm ndʋ tɩ-taa. Pʋ-tɔbʋʋ se pɛwɛ Eerɔpʋ, pɛwɛɛ Afrika nɛ Aazii, nɛ Amerika Hadɛ Tɛtʋ nɛ Amerika Hayi Tɛtʋ pa-taa. Ɖʊmaa wɛ teŋgunaa taa ɖɔɖɔ. Ɛlɛ, pɛfɛyɩ Irɩlandɩ nɛ Ɩsɩlandɩ nɛ Seelandɩ Kɩfalʋʋ pa-ajɛya taa.
This article uses material from the Wikipedia Kabɩyɛ article Ɖʊm, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mbʋ pɛwɛɛ pɩ-taa yɔ pʋwɛɛ pɩcɛlɩna paa weyi yee ɛyʋ ɛwɛna waɖɛ yɔ asaa yee nabʋyʋ ɛwɛ ndɩ lɛ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kabɩyɛ (DUHOCTRUNGQUOC.VN) is an independent company and has no affiliation with Wiki Foundation.