རླུང་རྟ་ཡར་བསྐྱེད་བསངས་མཆོད།

༈ ཨོཾ་ཨཱཿཧཱུྃ༔ _{ལན་གསུམ།} ཀྱེེ༔ བསངས་མཆོད་ཕུན་སུམ་ཚོགས་པ་འདི༔ སངས་རྒྱས་ཆོས་དང་དགེ་འདུན་དང་༔ བླ་མ་ཡི་དམ་མཁའ་འགྲོ་དང་༔ ཆོས་སྐྱོང་ནོར་ལྷ་གཏེར་བདག་དང་༔ བདག་ལ་བསྲུང་ཞིང་སྐྱོབ་པ་རྣམས༔ བསངས་མཆོད་རྒྱ་ཆེན་འདི་བཞེས་ལ༔ རླུང་རྟ་དར་བའི་སྡོང་གྲོགས་མཛོད༔ ཀྱེེ༔ དབུས་ཀྱི་ཕྱོགས་ན་གནས་པའི་ལྷ༔ རླུང་རྟ་དར་བའི་དགྲ་ལྷ་ནི༔ རྟ་མཆོག་རྒྱལ་པོ་བྷ་ལ་ཧ༔ མྱུར་མགྱོགས་ཆེ་བའི་དགྲ་ལྷ་བསངས༔ བདག་གི་རླུང་རྟ་དར་བར་མཛོད༔ རྒུད་པའི་རླུང་རྟ་བསྐྱེད་དུ་གསོལ༔ ཀྱེེ༔ ཤར་གྱི་ཕྱོགས་ན་གནས་པའི་ལྷ༔ རླུང་རྟ་དར་བའི་དགྲ་ལྷ་ནི༔ དུང་སེང་གཡུ་ཡི་རལ་པ་ཅན༔ དཔའ་རྩལ་ཆེ་བའི་དགྲ་ལྷ་བསངས༔ བདག་གི་རླུང་རྟ་དར་བར་མཛོད༔ རྒུད་པའི་རླུང་རྟ་བསྐྱེད་དུ་གསོལ༔ ཀྱེེ༔ ལྷོ་ཡི་ཕྱོགས་ན་གནས་པའི་ལྷ༔ རླུང་རྟ་དར་བའི་དགྲ་ལྷ་ནི༔ གཡུ་འབྲུག་ཟངས་ཀྱི་ཟེ་བ་ཅན༔ ངར་སྐད་ཆེ་བའི་དགྲ་ལྷ་བསངས༔ བདག་གི་རླུང་རྟ་དར་བར་མཛོད༔ རྒུད་པའི་རླུང་རྟ་བསྐྱེད་དུ་གསོལ༔ ཀྱཻ༔ ནུབ་ཀྱི་ཕྱོགས་ན་གནས་པའི་ལྷ༔ རླུང་རྟ་དར་བའི་དགྲ་ལྷ་ནི༔ རྒྱ་སྟག་ཚལ་གྱི་ཐིག་ལེ་ཅན༔ དཔའ་རྔམ་ཆེ་བའི་དགྲ་ལྷ་བསངས༔ བདག་གི་རླུང་རྟ་དར་བར་མཛོད༔ རྒུད་པའི་རླུང་རྟ་བསྐྱེད་དུ་གསོལ༔ ཀྱཻ༔ བྱང་གི་ཕྱོགས་ན་གནས་པའི་ལྷ༔ རླུང་རྟ་དར་བའི་དགྲ་ལྷ་ནི༔ ཁྱུང་ཆེན་ནོར་བུའི་ཐོར་ཚུགས་ཅན༔ སྟོབས་ཤུགས་ཅན་གྱི་དགྲ་ལྷ་བསངས༔ བདག་གི་རླུང་རྟ་དར་བར་མཛོད༔ རྒུད་པའི་རླུང་རྟ་བསྐྱེད་དུ་གསོལ༔ ཀྱེེ༔ ཕྱོགས་བཞི་མཚམས་ན་གནས་པའི་ལྷ༔ འབྱུང་བ་ལྔ་ཡི་ལྷ་རྣམས་བསངས༔ འབྱུང་བའི་རླུང་རྟ་དར་བར་མཛོད༔ རྒུད་པའི་རླུང་རྟ་བསྐྱེད་དུ་གསོལ༔ སྤར་ཁ་བརྒྱད་ཀྱི་ལྷ་རྣམས་བསངས༔ སྤར་ཁའི་རླུང་རྟ་དར་བར་མཛོད༔ རྒུད་པའི་རླུང་རྟ་བསྐྱེད་དུ་གསོལཿ སྨེ་བ་དགུ་ཡི་ལྷ་རྣམས་བསངས༔ སྨེ་བའི་རླུང་རྟ་དར་བར་མཛོད༔ རྒུད་པའི་རླུང་རྟ་བསྐྱེད་དུ་གསོལ༔ ལོ་ཟླ་ཞག་དུས་ལྷ་རྣམས་བསངསཿ ལོ་ཟླའི་རླུང་རྟ་དར་བར་མཛོད༔ རྒུད་པའི་རླུང་རྟབསྐྱེད་དུ་གསོལ༔ འགོ་བའི་ལྷ་དང་སྐྱོབ་པའི་ལྷ༔ ཕོ་ལྷ་མོ་ལྷ་ཞང་ལྷ་དང༔ ཕྲག་ལྷ་ལུས་ལྷ་ཐམས་ཅད་བསངས༔ བདག་གི་རླུང་རྟ་དར་བར་མཛོད༔ རྒུད་པའི་རླུང་རྟ་བསྐྱེད་དུ་གསོལ༔ བསྐྱེད་ཅིག་རླུང་རྟ་ཡར་ལ་བསྐྱེད༔ ལུས་ལ་གཟི་འོད་དཔའ་རྩལ་བསྐྱེདཿ༔ ངག་ལ་བདེན་པའི་ནུས་མཐུ་བསྐྱེད༔ སེམས་ལ་བདེ་བའི་ཏིང་འཛིན་བསྐྱེད༔ ནད་གདོན་བར་ཆད་ཞི་བར་མཛོད༔ ཚེ་བསོད་སྟོབས་འབྱོར་འཕེལ་ཞིང་རྒྱས༔ སྣང་སྲིད་དབང་བསྡུས་དགྲ་བགེགས་སྒྲོལ༔ ཕྱོགས་ལས་རྒྱལ་བའི་རྒྱལ་མཚན་འཕྱོར༔ འདོད་པའི་དོན་ཀུན་འགྲུབ་པར་མཛོད༔ རྒྱལ་ལོ་རྒྱལ་ལོ་ལྷ་རྒྱལ་ལོ༔ བདག་ཅག་ལྷ་ངོ་རྒྱལ་གྱུར་ཅིག། ནག་ཕྱོགས་བདུད་རིགས་འཆམ་ལ་ཕོབས༔ བཅོལ་བའི་འཕྲིན་ལས་འགྲུབ་པར་མཛོད༔ ཨོཾ་སརྦ་བྷི་ཛ་ཡ༔ ས་མ་ཡ་གྷི་ཛ་ཡ་པ་དྷི་པི་ཏྲི་ཁྱིའུ་སརྦ་འདུ་འདུ་ཧོ༔ _{ཅེས་རླུང་རྟ་སྡེ་བཞིའི་སྔགས་རིན་པོ་ཆེས་བྲིས་པའམ་རྒྱ་སྣག་གིས་བྲིས་ནས་ལུས་ལ་འཆང་ན་ལུས་ངག་ཡིད་ཀྱི་ཚེ་དཔལ་བསྐྱེད༔ བཙུན་པ་ཡིན་ན་ཡོན་ཏན་རྒྱས༔ སྐྱེ་བོ་ཡིན་ན་བསམ་དོན་འགྲུབ༔ ཚེ་དང་དགྲ་ལས་རབ་རྒྱལ་ལོ༔ ཅེས་པ་འདིའང་རིག་འཛིན་ཆེན་པོ་རོལ་པའི་རྡོ་རྗེའི་གཏེར་ལས་འབྱུང་ངོ་༔ གཏེར་རྒྱ༔ དགེའོ།། །།}