ކަރައްޔެ ކަޅުތުއްތުދީދީ
އަދަބިއްޔާތު ދިވެހި އަދަބީ ތާރީހް
| ސިލްސިލާ ލިޔުންތަކުގެ ބައި |
| ޅަފަތުގެ ދައުރު |
| ފިރުކެންފެށި ދައުރު |
| ނައިބު ތުއްތު/ޖަމާލުއްދީން |
| ހިނގައި ގަނެވުނުދައުރު |
| މުހައްމަދު އަމީން ދޮށިމޭނާ ކިލެގެފާނު |
ޏ. ފުވައްމުލަކު ކަރައްޔެ ކަޅުތުއްތުދީދީ އަކީ އައްސުލްޠާން މުޙައްމަދު ޣިޔާޘުއްދީން ( ޝަހީދުކުޅަ ބަންޑާރައިން ) ގެ އިބްރާހީމް ފާމުލަދޭރި ކިލެގެފާނުގެ ފުވައްމުލަކު ކަރައްޔެ ގަނޑުވަރު މުޙައްމަދުދީދީ ގެ އިބްރާހީމް ދީދީގެ މުހައްމަދުދީދީގެ ކަރައްޔެ ކަޅުތުއްތުދީދީ ( އިބްރާހީމް ދީދީ ނުވަތަ އިބްރާހީމް ފިކްރީ ) އެވެ. ކަޅުތުއްތުދީދީގެ މައިފުށުން ވެސް ގުޅެނީ މިދަރިކޮޅާއެވެ. އޭނާގެ މަންމައަކީ ފުވައްމުލަކު ފާމުލަދޭރި ކިލެގެފާނުގެ ކަރައްޔެ ގަނޑުވަރު މުޙައްމަދުދީދީގެ ހައްވާދީދީގެ ޚަދީޖާދީދީ ( ކޭހިގޭ ދޮންދީދީ ) އެވެ.
ކަޅުތުއްތުދީދީ ދުނިޔޭގެ އަލިކަން ދެކެވަޑައިގަތީ 1909 ވަނަ އަހަރުގެ ތެރޭގައެވެ. ފުވައްމުލަކު މާދަނޑު އަވަށުގައި ހުރި ކަރައްޔެ ގަނޑުވަރު ގައެވެ.
ކަޅުތުއްތުދީދީގެ ފުރަތަމަ އުސްތާޛަކީ އޭނާގެ ބައްޕަ ކަރައްޔެ ގަނޑުވަރު މުޙައްމަދުދީދީ އެވެ. އަކުރު އުގަންނަވައި ދެއްވައި ތަޖުވީދު މަގަށް ގުރުއާން ކިޔަވައިދެއްވީ އޭނާގެ ބައްޕަ އެވެ. އުމުރުން 9 އަހަރުވީއިރު 3 ފަހަރު ޚަތިމް ކުރައްވައިފި އެވެ. ޢަރަބި ބަހާއި ހިސާބު ޢިލްމާއި، ދިވެހި ބޭސްވެރިކަމާއި، ފަންޑިތަވެރިކަން ވެސް އުގެނިވަޑައިގަތީ އޭނާގެ ބައްޕަގެ އަރިހުންނެވެ. އޭގެ ފަހުން އެދުވަސްވަރު ރާއްޖޭގައި ތިއްބެވި ދަންނަ ބޭކަލުން އަރިހުންވެސް އޭނާ ދީނީ ތަޢުލީމް ހޯއްދެވިއެވެ.
This article uses material from the Wikipedia ދިވެހިބަސް article ކަރައްޔެ ކަޅުތުއްތުދީދީ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ދިވެހިބަސް (DUHOCTRUNGQUOC.VN) is an independent company and has no affiliation with Wiki Foundation.