ހިތިބޯ
ހިތިބޯ(ސައިންޓިފިކް ނަން: Atherinomorus lacunosus)ނުވަތަ (އިނގިރޭސި ބަހުން: Hardyhead silverside) އަކީ ރާއްޖޭގެ ތިލަ ފަޅުތަކުގައި ބޮޑެތި އައިން ހަދައިގެން އުޅޭ މަހެކެވެ.
މިބާވަތުގެ މަސް އާންމުކޮށް ގުންބަޅަ އަދި ތާވަޅަ އަދި މުށި މަސް އާއެކު އައިންހަދައިގެން އުޅެއެވެ. މިއީ ދޮށީގެ މަސްވެރިން އެން ތަދު ދުވަސްވަރު އެމުގެ ގޮތުގައި ދާޖަހައިގެން ހިފާއުޅޭ މަހެކެވެ. މިބާވަތުގެ މަސް އާންމުކޮށް ކައިއުޅެނީ ރޭގަނޑު އެވެ. މަހުގެ ކާނާއަކީ ކުދި ކަކުނި ފާނޑުގެ ސޫތްޕާއި އޮޔާދާ ދިރޭތަކެތީގެ ބިހާއި ކުދި މަހެވެ. މިމަސް އެންމެ ބޮޑުވަނީ 15 ސމ އަށެވެ.
މިއީ ލޯބޮޑު މަހެކެވެ. މަހުގެ ބުރަކަށިމަތީގައި ހުންނަނީ ފެހިއަޅިކުލައެކެވެ. ހުޅުނބުތަކުގެ ކައިރިފަށް ހުންނަނީ ކަޅުވެފައެވެ. މަހުގެ ދެއަރިމަތީގައި ރިހިކުލައިގެ ފުޅާ ރޮނގެއް ހުރެއެވެ. މިއީ މަސްއައިނަށް އަރާ އުކުމުން ވަރަށް ދަހިކޮށް ކުރީކޮޅު މަސްބޭނޭ އެމެކެވެ. ނަމަވެސް މަހުގެ ހުޅުނބުތައް ވަރުގަދަ ކަމުންނާއި ކަށިގިނަކަމުން މިބާވަތުގެ އެން ކެއުން ވަރަށް އަވަހަށް މަސް ހުއްޓާލައެވެ. އެހެންކަމުން މިބާވަތް އެމުގެ ގޮތުގައި އާންމުކޮށް ދިވެހި މަސްވެރިން ބޭނުމެއް ނުކުރެއެވެ.
This article uses material from the Wikipedia ދިވެހިބަސް article ހިތިބޯ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ދިވެހިބަސް (DUHOCTRUNGQUOC.VN) is an independent company and has no affiliation with Wiki Foundation.