Kampê Qırkerdışi
Kampê qırkerdışi (be Almanki: Vernichtungslager) cı rê Kampê çınekerdışi/imhakerdışi zi vaciyeno, kampê ke Naziyan semedê merdumi kıştene vıraştê, inan rê vaciyeno.
Zemanê Reichê Hirêyıni de cayê ke bınê istıle u işğalê Naziyan de mendê, uca de kamê ke hetê Naziyan ra nêwaziyayê Naziyan ê pêro piya tiya de kerdi arê u kışti. Hedefê Naziyan raveri Cıhudi çıniyayi we, inan ra tepeya zi merdumê bini ameyi. Merdumê ke kewtê destê Naziyan tiya de vêşniyayi, kışiyayi, test u cerrebê Naziyan de guriyayi.
Kampi
Naziyan kampê gırdi bınê işğali de Polonya de vıraşti:
- Auschwitz
- Belzec
- Chełmno
- Majdanek
- Sobibor
- Treblinka
Miyandê enê kampan de Auschwitz kampo en namdar bi, demê fealiyetmocnayışê cı de ita de 100 hezar ra zêde esıri tepışiyayi. Tiya de kapasiteyê odeyê qazi de 2 hezar merdumi bi. Rocê de eno kamp de dıwês (12) hezar merdumi kışiyayi u vêşniyayi. Esırê ke weş u warê, Naziyan ê semedê (seba, qandê) karkerdene ekibê karkeran rê rusnayêne, dıma zi ê peyser ardêne u kıştêne.
This article uses material from the Wikipedia Zazaki article Kampê qırkerdışi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Zerrekê cı bınê CC BY-SA 4.0 de qeyd biyo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zazaki (DUHOCTRUNGQUOC.VN) is an independent company and has no affiliation with Wiki Foundation.