El Endulus
Endulus (Erebkiyê cı: الأندلس al-andalus, İspanyolkiyê cı: Al-Ándalus) cayê ke destê Ereban ra ravêrdışê İspanya ra tepeya bınê tesırê İslami de mendê, inan rê vaciyeno.
Bawer beno ke namê Endulusi şarê Vandali ra yeno, hema vêrde de cı sero çıme çıniyo. Nêmadeyê İberi sero estiya Mısılmanana tewr peyêne serra 1609ıne de be hıdud ra teber kerdışê Moriskan ra peyniye diya. Tarıq ibn Ziyad seserra 8ıne de qırıka Cebelitarıqi ra vêrdo ra. O taw Endulus u verocê İspanya destê Vizigotan de biyê. Coka ravêrdışê Ereban ra tepeya Endulus de her dı şari zi kewtê têvera. Uca de inan miyan de lec ameyo meydan u lec ra dıma zi verocê İspanya (Endulus) vêrdo ra destê Ereb u Mısılmanan. Mısılmanan naca de medeniyeto gırd, zagono gırd vıraşto. Endulus demê xo de xeylê aver şiyo, naca ra xeylê zanayan veciyayi. Serra 1492yıne de be rıciyayışê Dewleta Beni Ehmeri, İspanya de 781 serri destê xo de tepıştışê Mısılmanan peyniye diya, reyna vêrdo ra destê Xıristiyanan. İspanyolan naca de Mısılmanan ra çı mendo se pêro piya ê vêşnê, çiyê nêmendo.
This article uses material from the Wikipedia Zazaki article El Endulus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Zerrekê cı bınê CC BY-SA 4.0 de qeyd biyo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zazaki (DUHOCTRUNGQUOC.VN) is an independent company and has no affiliation with Wiki Foundation.