Шăши Юс
Шăши юсĕ - 20 см тăршшĕ, хӳри 2-5 см вăрăмăш.
Йывăрăшĕпе шăши юсĕ 100-150 грама çитет. Кĕлетки çинçе, пиçĕ. Пуçĕ пĕчĕк, куçĕ лайăх аталаннă, хăлха çунатти çаврака, ури кĕске. Çурăм çинчи тирĕ хурарах хăмăр. Хырăм айĕ шурă тĕслĕ. Хĕлле вара юс шап-шурă тум тăхăнать. Шăши юс шăшисем ăçта нумай, çавăнта пурнăма тăрăшать. Çавăнпа та ăна кирек ăçта курма пулать. Сунарта вăл питĕ йăрă, хăвăрт чупать. Çиме шыраса çуллахи вăхăтра каçхине, хĕлле вара кăнтăрла тухать. Хĕлле апата юр айĕнче шырать. Ами çуркунне 4-7 çура çăвăрлать. Çурасене шăши юсĕ кĕркуннеччен пăхать. Унăн тăшманĕсем нумай мар. Тилĕ, сăсар, пăсара юса йăпăр-япăрах тытаймаççĕ - ытла шухă пирки шăши юс вĕсен çăварне питĕ сайра çакланать. Пирĕн республикăра шăши юс йышĕ 10 пине çитет.
This article uses material from the Wikipedia Чăваш article Шăши юс, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Урăххине кăтартман пулсан ку материал CC BY-SA 4.0 лицензипе килĕшӳллĕн сарăлать. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Чăваш (DUHOCTRUNGQUOC.VN) is an independent company and has no affiliation with Wiki Foundation.