Луис Дэниел «Сэтчмо» Армстронг (акăл.
XX ĕмĕрти паллă мусăкçă, Дюк Эллингтонпа, Чарли Паркерпа, Майлз Дэвиспа тата Джон Колтрейнпа пĕрле джаз аталанăвне чылай вăй хунă, пĕтĕм тĕнчере ăна халăх хушшинче сарассишĕн нумай тăрăшса ĕçленĕ.
Луи Армстронг Louis Armstrong | |
Тĕп хыпар | |
---|---|
Тулли ят | Луи Дэниел Армстронг |
Çуралнă вăхăт | 1901 çулхи çурлан 4-мĕшĕ |
Çуралнă вырăн | Çĕнĕ Орлеан |
Вилнĕ вăхăт | 1971 çулхи утăн 6-мĕшĕ (69 çул) |
Вилнĕ вырăн | Çĕнĕ Йорк |
Патшалăх | АПШ |
Инструментсем | Пăрăх |
Жанрсем | Джаз |
Суя ятсем | Satchmo, Pops |
Satchmo.net |
Луи, креол манерĕпе ăна çапла чĕннĕ, Çĕнĕ Орлеанăн негрсен чи чухăн районĕнче çуралнă. Ачалăхра нуша тӳснĕ (амăшĕ — кĕпе-йĕм çăвакан, ашшĕ — ĕç шыраса ĕçлекен). Ывăлĕ пĕчĕк чухнех ашшĕ çемьене пăрахать. Амăшĕ проституткăна ĕçе каять, Беатрис йăмăкĕпе пĕрле арçын ачана Джозефина кукамăшĕ патĕнче çитĕнет. Тепĕртакран амăшĕ ăна хăй патне илет, анчах та ăна ăс парса ӳстереймест. Ачаранах Армстронг çĕр кăмрăкне тиесе турттарать, хаçат сутать. Çиччĕ çул тултарсан анчах Америкăна Раççей империнчен пурăнма килнĕ еврей Карнофски кăмрăк сутăçĕсен килĕнче ĕçлесе пурнать. Армстронг сутăç çемьинче усрав ывăлĕ пулса тăрать. Карнофски çемьи Сторивиллре районĕнче пурăннă — кунта барсем, клубсем, ташă залĕсем ĕçленĕ. Карнофски пкаярах Армстронга корнет туянма укçа панă.
Армстронг ирех урамри вокал ансамблĕнче ĕçлет, параппансем çинче выляса темиçе çул хушшинче хăйĕн хăлхине çивĕчлетет, мусăк пĕлӳлĕхне 1913 çулта «Уэйф’с Хоум» тĕрмери (унта вăл амăшĕн клиенчĕ-полисмен пистолетне вăрласа Çĕнĕ çулта урамра персе çӳренĕшĕн лекнĕ) интернатра ӳстерет. Вăл тӳрех лагерьти оркестр пултарулăх ĕçне хутшăнса тамбурин, альтгорн выляма вĕренет, каярах корнета алла илет. Оркестр хăй вăхăтĕнчи кĕвĕсене — маршсене, полькăна — вылянă. Тĕрмере Луи мусăкçă пулма ĕмĕтленет. Ирĕке тухсанах вăл клубсенчи оркестрсенче вылять. Ăна Кинг Оливер, хулари чи лайăх корнетçĕ асăрхать, ăс парать. Луи Армстронг ăна хăйĕн чăн вĕрентӳçи тет. 1918 çулта Оливер Чикаго хулине кайсан, Армстронга хăйĕн ансамбльне ĕçлеме чаплă тромбонçă Кид Ори чĕнет. Луи хутран-ситрен Оскар «Папа» Селестинăн «Tuxedo Brass Band» оркестрĕнче вылять, унпа пĕрле ун чухне Пол Домингес, Затти Синглтон, Альберт Николз, Барни Бигард тата Луис Рассел мусăкçăсем ĕçленĕ. Тăван хулари джаз парачĕсене хутшăннă, Фэтс Мэрейблăн «Jazz-E-Sazz Band» бэндĕнче Миссисипи тăрăх çӳрекен пăрахутсем çинче ташă каçĕсенче вылять. Мэрейбл, профессиллĕ бэнд-лидер, каччăна нота пĕлӳлехне ăнлантарсан, Армстронг мусăк ăста мусăкçă пулса тăрать. Каярах ăна мусăкçăсем Сачмо (акăл. Satchel Mouth «рот-меха») витлев параççĕ.
Армстронг, Луи Викиампарта? |
This article uses material from the Wikipedia Чăваш article Луи Армстронг, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Урăххине кăтартман пулсан ку материал CC BY-SA 4.0 лицензипе килĕшӳллĕн сарăлать. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Чăваш (DUHOCTRUNGQUOC.VN) is an independent company and has no affiliation with Wiki Foundation.