Виктория тапхăрĕ (1837-1901) — Виктория, патша-арăм Аслă Британи империн астулĕнче ларнă тапхăр.
Виктория тапхăрне Англи кун-çулĕнчи чи паха та пĕлтерĕшлĕ вăхăт теме юрать. Вăрăм тăсăкне пăхмасăр, ку тапхăра пĕрпек пулăмлă япала темелле мар, мĕншĕн тесен ку вăхăтра çын пурнăçĕнчи чылай енĕнче тĕрлĕрен те хăвăрт пулса иртекен улшăнусем пулса иртнĕ. Ку вĕсем — технологипе демографинчи, çынсен тĕнчекурăмĕнчи, политикапа социал системинчи улшăнусем пулнă. Акăлчан историкĕсенчен пĕри палăртнă тăрăх, «ку вăхăтра пысăк вăрçă пулманни, ют çĕртен килекен катастрофаран хăраманни, пур тапхăр тăршшипех тĕн ыйтувĕсемпе кăсăкланни, наука шухăшлавĕ хăвăрт аталанма тата çын хăйне хăй хытă тытни» «çав териех хăвăрт та çирĕп экономикапа пурнăç хавалĕнчи улшăнусем патне илсе çитерме» пулăшнă.
Ку тапхăрăн палăрса тăракан палли вăл — пысăк, пĕлтерĕшлĕ вăрçăсем пулманни çăршыва вăйлăн аталанма май панă, уйрăмах инфраструктура аталанни, чукун çулсем сарни.
Экономикăра ку тапхăрта промышленноçри революци тата капитализм аталаннине курма пулать. Тапхăрăн социаллă пурнăçĕнче хытă мораль кодексĕ (джентльмен пулни), йăла-ерке хаклăлăхне упранипе класс уйрăмлăхĕне хытарни палăрса тăрать. Тулаш политикара Британи Азире («Пысăк Вăйă») тата Африкара («Африкашăн çапăçни») çĕнĕ çĕрсене малалла ярса илет.
This article uses material from the Wikipedia Чăваш article Виктория тапхăрĕ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Урăххине кăтартман пулсан ку материал CC BY-SA 4.0 лицензипе килĕшӳллĕн сарăлать. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Чăваш (DUHOCTRUNGQUOC.VN) is an independent company and has no affiliation with Wiki Foundation.