АПШ Республика партийĕ (акăл.
Иккĕмĕш ячĕ — Аслă Кивĕ Парти (акăл. Grand Old Party, GOP). Демократи партийĕпе шайласан Республика партийĕ консервативлăрах тата "сылтăмрах" политика ăнланăвĕпе уйрăлса тăрать.
Партин официаллă мар символĕ — пилӗ (вăй-хăвата палăртать), официаллă мар тĕс — хĕрлĕ.
Парти 1854-мĕш çулхи нарăсăн 28-мĕшĕнче, Висконсин штатăн Рипон ятлă вырăнĕнче Ирĕклĕ çĕр партийĕпе Виги партийĕн "Совесть" фракцийĕ пĕрлешнĕ хыççăн йĕркеленнĕ. Парти чи малтан чуралăха хирĕç тата центр правительствин влаçĕн компетенцийĕне анлăлатассишĕн кĕрешекен çынсен пĕрлешĕвĕ пек çуралнă. Ку вăхăтра политика тилхепи умĕнче пĕччен ларакан элитарлă демократи партийĕ пĕтĕмпех АПШ Кăнтăрĕнчи плантацисемпе чура хуçисем çине тĕревленнĕ пулсассăн, Республика партийĕ АПШ Çурçĕрĕнчи промышленниксен(янкисем) кăсăкĕсене сăнарланă.
Республика партийĕ 36-мĕш параллелтен çурçĕрелле вырнаçнă çĕрсенче чуралăха пĕтерес, пушă çĕрсене илес хаваллă çынсене пулăшса илме май парас( анчах кунта пурăнакан инди йăхĕсен шухăшĕсене никам та ыйтман, паллах), Европăран турттарса килекен промăçлăх таварĕсене тÿлев айне хурассишĕн кĕрешнĕ. Янкисем тата вĕсен ертÿçи Авраам Линкольн Граждан вăрçинче çĕнтернĕ хыççăн республиканецсем 50 çул яхăнччен президент тата парламент суйлавĕсенче демократсене парăнтарнă. 1940-1960-мĕш çулсенче АПШра анлă сарăлнă Афроамерикансен граждан прависĕмшĕн тăрăшакан юхăм шухăшĕсем çине сиввĕнтерех пăхнă пирки Республика партийĕ консерватизм енлĕрех парти пулса тăрать.
Калăппăн, республиканецсем çак шухăшсене тытса пыраççĕ:
Республиканецсен чи пĕлтерĕшлĕ принципĕсенчен пĕри— патшалăхăн экономикăна мĕнле май пур çавăн пек сахалрах тĕкĕнмелле.
Парти ача пăрахнине, ЛГБТ-çынсем пĕрлешнине, порнографийе, проституцийе тата наркотик усă курнине саккунлатассине хирĕç.
Хальхи саманари тĕп идеологийĕ—консерватизм. Политика тайăнăвĕ—сылтăммисем, сылтăм-вăтаммисем.
Тĕп электорат— пуян американсем, пысăк корпораци ĕçченĕсем, шурă арçынпа хĕрарăмсем, тĕне тытса пыракан çынсем т.ыт.те.
This article uses material from the Wikipedia Чăваш article АПШ Республика партийĕ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Урăххине кăтартман пулсан ку материал CC BY-SA 4.0 лицензипе килĕшӳллĕн сарăлать. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Чăваш (DUHOCTRUNGQUOC.VN) is an independent company and has no affiliation with Wiki Foundation.