Ynys Dewi (Enez Dewi e brezhoneg, Ramsey Island e saozneg) zo un enezenn en arvor kontelezh Penfro, dirak Tyddewi.
Enez Dewi n'eo ket ouzhpenn 3,2km he hed ha 136 metr he uhelder. An trede enez vrasañ e Kembre eo memes tra, war-lerc'h Enez Mon hag Enez Cybi.
Gwelet a reer an dismantroù eus div chapel vihan, pe gentoc'h daou di-bediñ, war an enez. Savet e oant bet gant menec'h, pell zo. Hervez ar vojenn e vije bet sant Dewi o'n em gavout gant sant Padrig eno.
Unan eus an daou di-bediñ-se a vije bet savet gant sant Iestyn (Jestin e brezhoneg, Justinian e latin), war-dro ar bloavezh 500. Ur manac'h eus Breizh e oa Jestin, a-hervez, hag ober a reas e annez war an enez gant un nebeud diskibien dezhañ, pa oa bet roet an douar-se dezho gant sant Dewi.
Labouret e veze douar an enez, betek kreiz an XXvet kantved ha gant an annezidi e veze gwerzhet ed, amann ha gloan war an douar-bras betek 1964. E 1968 e oa bet gwerzhet an enez d'ar gevredigezh RSPB da vont d'ober ur gwarezva evned. Reuniged a c'haller gwelet tro-dro d'an enez ivez e miz Eost hag e miz Gwengolo.
This article uses material from the Wikipedia Brezhoneg article Ynys Dewi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.