The Court-Martial Of Billy Mitchell

Pempvet film warn-ugent gant Preminger e oa, deuet e-maez war-lerc'h The Man with the Golden Arm (miz Kerzu 1955) hag a-raok Saint Joan (miz Mae 1957).

• Doare : Drama, Istorel
• Skoazellerien-sevener : Jack McEdwards ha Russ Saunders,
• Senario : Emmet Lavery ha Milton Sperling, skoazellet gant Ben Hecht, Dalton Trumbo ha Michael Wilson,
• Kevredad produiñ : United States Pictures,
• Produour : Milton Sperling,
• Kevredad dasparzhañ : Warner Bros. Pictures,
• Rener ar skeudenniñ : Sam Leavitt,
• Ijinour ar son : Stanley Jones,
• Aozer ar sonerezh orin : Dimitri Tiomkin,
• Kinklour : William Kuehl,
• Dilhataer : Howard Shoup,
• Farder : Gordon Bau,
• Frammer : Folmar Blangsted,
• Kenurzhier an efedoù arbennik : H.F. Koenekamp,
• Prantad filmañ : adalek an 18 a viz Mezheven betek dibenn miz Eost 1955,
• Lec'hioù filmañ : Burbank (Kalifornia), Washington D.C. (Stadoù-Unanet Amerika),
• Deiziadoù dont e-maez :
  • 1955 : 22 a viz Kerzu (New York), 31 a viz Kerzu (SUA a-bezh),
  • 1956 : 30 a viz Mae (Dømt til tavshed,   Danmark), 29 a viz Mezheven (Gedoemd te Zwijgen,   Izelvroioù), 13 a viz Gouere (Verdammt zum Schweigen,   Alamagn), 25 a viz Gouere (Condamné au silence,   Bro-C'hall), 12 a viz Gwengolo (Conselho de Guerra,   Portugal), 26 a viz Du (En mans myteri,   Sveden),
  • 1957 : 4 a viz Genver (Yhden miehen kapina,   Finland),
• Padelezh : 100'.

Istor gwirion an nijer-arme stadunanat Billy Mitchell (1879-1936) eo a zo kontet er film ha, dreist-holl, red ar prosez a oa bet dalc'het outañ e 1925 dirak ul lez-brezel e Washington D.C..
Kemeret en devoa perzh er Brezel-bed kentañ e Bro-C'hall ha, diwar ar skiant-prenet tapet gantañ eno, difenn a rae ar savboent ma oa pouezus-kenañ sevel ur gwir aerlu dizalc'h diouzh an US Army hag an US Navy. Hep na fiñvje pennoù-bras al lu stadunanat tamm ebet, daoust d'an danevelloù a gase Mitchell dezhe sof-kont.
Cheñch penn d'e vazh a reas penn-da-benn da-heul un nebeud gwallzarvoudoù c'hoarvezet da levierien, hini an aerlestr-stur USS Shenandoah (ZR-1) en o zouez e miz Gwengolo 1925 : embann a reas e oa divarrek krenn uhelofiserien ar morlu hag an arme-zouar, ar pezh n'halle ket gouzañv Calvin Coolidge (1872-1933), Prezidant Stadoù-Unanet Amerika e karg d'an ampoent.

• Gary Cooper : ar c'horonal Billy Mitchell,
• Charles Bickford : ar jeneral Jimmy Guthrie,
• Ralph Bellamy : an aotrou kannad Frank R. Reid,
• Rod Steiger : ar major Allan Guillion,
• Elizabeth Montgomery : an itron Margaret Lansdowne,
• Fred Clark : ar c'horonal Sherman Moreland,
• James Daly : al letanant-koronal Herbert A. White,
• Jack Lord : ar c'homandant Zachary Lansdowne,
• Peter Graves : ar c'habiten Bob Elliott,
• Herbert Heyes : ar jeneral John J. Pershing,
• Darren McGavin : ar c'habiten Russ Peters,
• Robert Simon : an amiral Gage,
• Charles Dingle : ar senedour Fullerton,
• Will Wright : an amiral William Sims,
• Dayton Lummis : ar jeneral Douglas MacArthur,
• Ian Wolfe : ar Prezidant Calvin Coolidge,
• Tom McKee : ar c'habiten Eddie Rickenbacker,
• Steve Roberts : ar major Carl Spaatz,
• Robert Brubaker : ar major H.H. Arnold,
• Phil Arnold : Fiorello La Guardia (1882-1947),
• [...].

• The Court-Martial of Billy Mitchell war Internet Movie Database