Rouantelezh Unanet an Izelvroioù (1815 - 1830) (1839) (e nederlandeg: Verenigd Koninkrijk der Nederlanden, e galleg: Royaume-Uni des Pays-Bas hag en alamaneg: Vereinigtes Königreich der Niederlande) a oa an anv diofisiel graet eus ur stad europat nevez savet diwar un darn eus an Impalaeriezh C'hall kentañ e-kerzh Kendalc'h Vienna e 1815.
E anv ofisiel a voe Rouantelezh an Izelvroioù hag enni e oa douaroù kozh Republik ar Seizh Izelvro-Unanet en hanternoz, re an Izelvroioù aostrian er c'hreisteiz, gant priñselezh Liège. Tiegezh Oranje-Nassau a voe lakaet er penn anezhi.
C'hoant a oa da sevel ur stad padus en hanternoz Bro-C'hall evit harz ouzh strivoù gall da c'hounit tachenn en tu-se. Ha padout a reas ken na em zistagas proviñsoù ar c'hreisteiz da sevel Belgia e 1830.
Koulskoude ne voe ket anavezet dizalc'hted Belgia gant ar rouantelezh a-raok 1839. Neuze e chomas an anv "Rouantelezh an Izelvroioù" war ar stad a vode proviñsoù an hanternoz. Dugelezh Veur Luksembourg a voe renet gant Tiegezh Oranje-Nassau betek 1890 : er bloavezh-se e varvas Willem III der Nederlanden (1817-1890). Pendegwir ne oa ket aotre d'ar merc'hed da ren e Luksembourg abalamour d'al lezenn salek ez eas an Dugelezh Veur gant Tiegezh Nassau-Weilburg, kerent tost d'ur skourr priñsel all ; kement-se a voe graet hervez un emglev en tiegezh Nassau e 1783.
|
This article uses material from the Wikipedia Brezhoneg article Rouantelezh Unanet an Izelvroioù, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.