Radamanthys
Radamanthys (henc'hresianeg : Ραδαμάνθυς Radamánthys), mab da Zeus ha da Europa, merc'h Agenor, a oa roue Fenikia.
Brudet e oa e vertuz hag e spered a justis.
Mojenn
Ganet e oa bet e Kreta evel e vreudeur Minos ha Sarpedon. Hervez ur vojenn all e vije bet mab da Hefaistos, a oa mab da Dalos. Desavet e voe gant Asterion, roue Kreta, a oa bet fiziet Europa ennañ gant Zeus. Hervez ar pseudo-Apollodoros, e riotas gant e vreudeur, en e yaouankiz, evit karantez ur paotr anvet Miletos pe Atymnios.
Brudet e oa evit e furnez hag e speredegezh. Diodoros Sikilia a ra anezhañ, evel eus Minos, un haroz a zegas ar sevenadur en ur ren war ur vro ec'hon ma sav al lezennoù :
« Inizi bras a oa en e zalc'h ha hogos holl aodoù Azia o doa en em roet o-unan dezhañ abalamour da vrud e onestiz. »
Pa zegouezhas tron Kreta gant Minos e tennas hennezh e vad eus an dra-se evit en em zizober eus e vreudeur, gwarizius ma oa eus o brud. Mont a reas Radamanthys en harlu da Oic'halia, e Boiotia, ma timezas gant Alkmene, intañvez Amfitryon, ha mamm Herakles. Daou vab en doe diganti : Erythros ha Gortys.
Goude e varv e teuas da vezañ barner en Ifernioù, gant Minos hag Aiakos. Hervez Homeros e vevas en un doare sioul hag eürus en inizi ar re wenvidik. Hervez danevelloù savet diwezhatoc'h e renas e-unan war ar parkoù Elizean.
This article uses material from the Wikipedia Brezhoneg article Radamanthys, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.