Quintus Horatius Flaccus

Ganet e oa bet e Venosia, ur gêr vihan war an harz etre Apulia ha Lukania. Mab ur sklav frankizet e oa hag un deskadurezh vat a voe roet dezhañ.

Goude muntr Caius Julius Caesar e soudardas Horace e lu Brutus ha stourm a reas en Emgann Philippi gant ar renk a d-tribunus militum. Pa embannas Aogust un distaol evit ar re o doa brezelet outañ e tistroas da Italia met lamet e oa bet e zouareier digantañ gant ar Stad. Daoust ma lavare e oa aet da baour e voe barrek Horatius da brenañ ur post scriba quaestorius a roas tro dezhañ da vevañ en un doare klet.

Gant Maecenas e voe gwarezet. Mervel a reas en 8 kent J-K, un nebeud mizioù hepken goude marv e warezer.

Anavezet eo buhez Horas dre e oberenn, leun a zitour diwar e benn. Re all a lenner en De viris illustribus gant Suetonius.

• Sermonum liber primus [1] (35 Kt J-K)
• Epodes [2] (30 Kt J-K)
• Sermonum liber secundus [3] (30 Kt J-K)
• Carminum liber primus [4] (23 Kt J-K)
• Carminum liber secundus [5] (23 Kt J-K)
• Carminum liber tertius [6] (23 Kt J-K)
• Epistularum liber primus [7] (20 Kt J-K)
• Ars Poetica' [8] (18 Kt J-K)
• Carmen Saeculare [9] (17 Kt J-K)
• Epistularum liber secundus [10] (14 Kt J-K)
• Carminum liber quartus [11] (13 Kt J-K)

• Oberennoù Horace e latin hag e saozneg