Ar Moviment de Defensa de la Terra (Luskad Difenn an Tir) a zo ur aozadur broadelour disrannour katalanek krouet p'en em deuzas ar PSAN gant an Disrannourion ar Broioù Katalanek (savet d'o zro diwar ar PSAN-P).
Kregiñ a rajod da gaozeal eus krouiñ ur strollad nevez evit adunaniñ an daou b-PSAN e 1982 ha 1983 da geñver es van celebrar les Emgav ar Vroadelourion (Trobades Independentistes) dalc'het e Sant Pere de Ribes i a Artés.
Bloaz war-lerc'h, e miz Genver 1984, da geñver eil Emvod-meur Terra Lliure, e oa bet divizet da vat kas war-raok ar raktres ha krouiñ ul luskad disrannour unvan eus an tu-kleiz.
D'an 11 a viz Meurzh 1984 avat, pa oa bet klasket sevel an MDT da vat, e oa c'hwitet war an taol p'ac'h eas kuit eus ar sal an daou strollad, fuloret an eil re gant ar re all.
A-benn ar fin, en hañv 1984 e oa bet krouet Moviment de Defensa de la Terra da geñver an VII Trobada Independentista dalc'het en Alforja hag en em stagañ a reas outañ nebeudig da c'houde Terra Lliure.
Dindan bloaz, e 1985, e oa deuet an MDT da vezañ an aozadur unvan pennañ ma veze bodet ennañ an meur a disrannour er-maez eus ar Parlamant.
War un dro ec'h ae politikerezh Esquerra Republicana de Catalunya (ERC) muioc'h-mui davet ar c'hreiz keit ma'c'h ae war izelaat ken-ha-ken an niver a votoù tapet gant aozadurioù disrannour all evel Bloc'had an Tu-kleiz evit an Dishualded Broadel (BEAN, Bloc d'Esquerres d'Alliberament Nacional) hag Broadelourion an Tu-kleiz (NE, Nacionalistes d'Esquerra).
E 1987 avat e save tabut adarre etre an izili o tont eus an IPC hag ar re o tont eus ar PSAN hag en en disrannas a reas an MDT e daou strolladig: ar Moviment de Defensa de la Terra-PSAN (MDT-PSAN) diouzh un tu - deuet da implijout an anv PSAN adarre da c'houde - hag ar Moviment de Defensa de la Terra-IPC (MDT-IPC) diouzh an tu all, bet krouet gantañ da c'houde Bodad evit an Unvaniezh Poblel (AUP, Assemblea d'Unitat Popular) gant tud eus La Crida ("Ar Galv").
This article uses material from the Wikipedia Brezhoneg article Moviment de Defensa de la Terra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.