Loeiz III (war-dro 863-† 882), mab Loeiz Vesteod hag Ansgard Burgondia, a oa roue Bro-C'hall eus 879 da 882.
E miz Meurzh 880, en Amiens, ez eo rannet rouantelezh e dad : Loeiz a resev Frankia ar c'hornôg ha Neustria, ha ren ha ra war un dro gant e vreur Karloman. Hemañ a resev Burgondia ar C'hornôg, Akwitania, ha Septimania (Cévennes, Corbières, Norzh ar Pireneoù gant Narbonne, Carcassonne, Béziers ha Nîmes).
Evit chom e peoc'h ha talañ ouzh tagadennoù an Normaned e rank an daou vreur en em glevet gant o c'henderv Loeiz Yaouank a c'houlenn Lotaringia ar c'hornôg o doa gounezet goude skrid-emglev Mersen sinet d'an 9 a viz Eost 870. E deroù 880 e oant rediet da reiñ ar vro-se dezhañ gant skrid-emglev Ribemont (Aisne). Ret eo dezhe ivez en em gannañ evit Burgondia p'emañ o goureontr Boson V o klask lakaat e grabanoù warni.
D'an 30 a viz Du 879 e c'hounezas an daou vreur un trec'h bras war ar Vikinged, degouezhet betek ar Vienne. (http://expositions.bnf.fr/fouquet/arret/26/i.htm)
E miz Eost 881, Loeiz III en-dro an alouberien viking en emgann Saucourt-en-Vimeu e lec'h ma vije bet lazhet tost da 8 000 Viking. Skoet e voe spered ar gempredidi gant an trec'h-se ha kement ma voe brudet evit pell gant Son Loeiz (ar Ludwigslied pe Rythmus Teutonicus)
Terriñ a reas e benn ouzh he skeiñ ouzh gourin un nor re izel pa o redek war-varc'h war-lerc'h merc'h ur Germund bennak. Beziet e voe d'ar 5 a viz Eost 882 en Sant Denez. Lezel a reas holl rouantelezh Frankia ar C'hornôg gant e vreur Karloman, evit nebeut amzer avat.
En e raok: Loeiz II | Rouaned ar Franked 879 – 882 | War e lerc'h: Karloman II |
This article uses material from the Wikipedia Brezhoneg article Loeiz III (Bro-C'hall), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.