Film Le Chat

Da-geñver an oberenn-mañ (ar seizhvet evit ar sinema, diwar c'hwec'h warn-ugent en holl) e teuas a-benn Granier-Deferre da vodañ an div steredenn eus ar sinema gall — Jean Gabin (1904-1976) ha Simone Signoret (1921-1985) — er memes film : tapet e voe Arzh arc'hant ar gwellañ aktor gant Gabin ha hini ar gwellañ aktourez gant Signoret e Festival etrebroadel ar film Berlin (Internationale Filmfestspiele Berlin) (26 a viz Mezheven-6 a viz Gouere 1971).

• Doare : Drama,
• Skoazellerien-sevener : Philippe Lefebvre ha Michel Rubin.
• Senario : Pierre Granier-Deferre ha Pascal Jardin, diwar ar romant Le Chat (1967) gant Georges Simenon,
• Divizoù : Pascal Jardin,
• Kevredadoù produiñ : Cinétel, Comacico, Gafer Films ha Lira Films e Pariz ; Ascot-Cineraid e Roma,
• Rener produiñ : Ralph Baum,
• Kevredad dasparzhañ : Valoria Films,
• Rener ar skeudenniñ : Walter Wottitz,
• Ijinour ar son : Jean Rieul (eilet gant Vartan Karakeusian),
• Aozer ar sonerezh orin : Philippe Sarde,
• Kinklour : Jacques Saulnier (eilet gant Georges Glon),
• Dilhataer : Jo Ranzatto,
• Farderezed : Maud Begon, Yvonne Gasperina ha Janou Pottier,
• Perukenner : Jean Pottier,
• Skriptourez : Sylvette Baudrot,
• Frammerien : Nino Baragli ha Jean Ravel,
• Luc'hskeudenner leurenn : Marcel Dole,
• Prantad filmañ : ,
• Lec'hioù filmañ : Courbevoie ha Puteaux (Hauts-de-Seine), e karter La Défense a oa war sevel c'hoazh,
• Deiziad dont e-maez : 24 a viz Ebrel 1971 (  Bro-C'hall), 30 a viz Gwengolo 1972 (Le chat - l'implacabile uomo di Saint Germain,   Italia)
• Padelezh : 86'.

Emañ Julien ha Clémence Bouin, ur c'houblad kozh divugel, o chom en unan eus bannlevioù Pariz tizhet gant labourioù arneveziñ. War e leve emañ ar gwaz goude bezañ labouret evel micherour-lizherenner e vuhez-pad. Ret e voe d'e wreg paouez gant he micher a arzourez-sirk, ha hi kouezhet war al leur diwar he zrapez : chomet eo mac'hagnet, siwazh dezhi. Goude pemp bloavezh warn-ugent a vuhez voutin n'eo ket ken kreñv an darempredoù etre an daou bried. Gant an amzer o tremen ez eo deuet da vezañ pounner an aergelc'h en ti, petra bennak na fell na da Julien na da gClémence mont kuit. Trenkañ a ra an traoù etreze da vat pa zegemer Julien ur c'hazh ; diskouez a ra an den kozh karantez d'al loenig, ur garantez ouzh Clémence aet da hesk pell amzer 'zo. Treiñ a ra gwarizi ar vaouez kozh e kasoni ha kregiñ gant ur brezel kriz en-dro d'ar paourkaezh kazh...

• Jean Gabin : Julien Bouin,
• Simone Signoret : Clémence Bouin,
• Jacques Rispal : an doktor,
• Annie Cordy : Nelly,
• Carlo Nell : ar c'hourater tier,
• Nicole Desailly : ar glañvdiourez,
• Yves Barsacq : an tisavour,
• Isabel del Río : ar plac'h war ar marc'h-tan,
• André Rouyer :an dileuriad sindikadel,
• Florence Haguenauer : Germaine,
• Renate Birgo : an diennerez,
• Ermano Casanova : an tavarnour,
• Harry-Max : an den war e leve,
• Georges Mansart : ar marc'htaner.

• Le Chat war Internet Movie Database.
• Tañvadenn ofisiel ar film (e galleg).