Isabella Bro-Saoz
Isabella Bro-Saoz (1214 – 1241), anvet ivez Elizabeth, a oa ur briñsez saoz, merc'h da Yann Dizouar, roue Bro-Saoz, ha d'e bried Isabelle d' Angoulême.
He buhez
Pevare bugel hag eil merc'h Yann Dizouar e oa. Daou vloaz e oa pa varvas he zad e 1216. He breur Herri III a voe anvet da roue neuze.
Ar pab Gregor X an hini a alias an Impalaer santel Friedrich II Hohenstaufen, en un emgav e Rieti, da zimeziñ da Isabella, choar ar roue saoz.
Da gentañ ne soñje Friedrich nemet mirout e harperien c'hall. Pa gomprenas e c'hallje lemel skoazell a Vro-Saoz d'e enebourien en Alamagn gant un dimeziñ saoz, e savas a-du gant ar pab.
Dimezet e voe Isabella goant, ur bloaz warn-ugent dezhi, da Friedrich II Hohenstaufen 'Stupor Mundi', Impalaer santel intañvet div wech, ha daou-ugent vloaz dezhañ.
Lidet e voe an dimeziñ e Londrez e miz C'hwevrer 1235. En iliz-veur Worms avat e voe an eured.
Dre he dimeziñ e oa Impalaerez santel, Rouanez Alamagn ha Rouanez Sikilia.
He bugale
N'eo ket gwall sklaer ar skridoù kozh diwar-benn pet bugel he doe, nag o anvioù, nag an deiziadoù. Un dra zo sur avat : pevar bugel he doe da vihanañ: *ur mab a varvas prestik goude bout ganet, e 1236 pe 1241,
- ur verc'h a varvas, evel he breur, prestik goude bout ganet, e 1237,
- Margaret,
- ha Heinrich.
Pennadoù kar
- (it) Priedoù Friedrich II
This article uses material from the Wikipedia Brezhoneg article Isabella Bro-Saoz, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.