International Board On Books For Young People

Savet eo bet e Zürich, e Suis, e 1953. Ouzhpenn 60 kevrenn vroadel zo dre ar bed.

Mennadoù IBBY eo

• diorren ar c'hengompren etrebroadel dre al lennegezh evit ar yaouankiz.
• reiñ tu d'ar vugale da gavout levrioù a dalvoudegezh e pep lec'h
• reiñ harp d'an embann ha d'ar skignañ levrioù a dalvoudegezh, ha dreist-holl er broioù o tiorren,
• reiñ harp ha stummadur d'ar re a ra war-dro lennegezh evit ar yaouankiz,
• broudañ ar glaskerien da studiañ al lennegezh evit ar yaouankiz.

Bro-C'hall

Ur gevrenn c'hall zo, diazezet e Pariz.

Spagn

Peder c'hevrenn zo:

• unan spagnolek : Organizcion Espanola Para El Libro Infantil y Juvenil (OEPLI)
• unan euskarek: Galtzagorri Elkartea
• unan c'halizek: Asociación Galega do Libro Infantil e Xuvenil (GALIX)
• unan gatalanek: Consell Català del Llibre per a Infants i Joves ( CCLIJ)

E Gwengolo 2010 e oa bet ur c'hendalc'h gante e Santiago Galiza, ha kaoz eno eus minorelezhioù. Komzet o doa ar C'hallaoued eus minorelezh an dalled a gomz galleg, yezh ofisiel nemeti o bro, ha Fina Casalderrey, Manuel Rivas, Mariasun Landa eus al lenn en o yezhoù.

Ur statud ofisiel en deus IBBY en UNESCO hag en UNICEF, en he c'harg emañ difenn al levrioù evit ar yaouankiz en aozadurioù-se. Klotañ a ra tachenn-labour ha pal an IBBY gant sturiennoù an Emglev Etrevroadel evit gwirioù ar vugale, hervez ma'z eo bet degemeret gant ar Broadoù -Unanet e 1990..

Kendalc'hoù daouvloaziek

Bep daou vloaz e vez d'ur skourr aozañ ar c'hendalc'h etrebroadel:

• 2018 Aten
• 2016 Auckland
• 2014 Mexico
• 2012 London
• 2010 Santiago de Compostela; eno e voe kaoz ar yezhoù bihan ha re ar minorelezhioù; ne oa den eus Breizh, ha gant ar C'hallaoued a gomze en o anv ne voe ken kaoz nemet eus yezhoù an divroerien.
• 2008 Copenhagen
• 2006 Macau
• 2004 Cape Town
• 2002 Basel
• 2000 Cartagena de Indias, Colombia
• 1998 New Delhi

• Priz Hans Christian Andersen

• International Board on Books for Young People
• Kendalc'h 2010 e Galiza
• OEPLI, ar skourr spagnol