Erwan: Anv paotr

Dont a rafe eus Eudon, un anv kozh, ha kar eo d'an anv-badez gallek Yves, hervez Frañsez Falc'hun da skouer. Penn meur Erwan Helouri, deuet da vezañ sant Erwan ha sant paeron Breizh er XIV^vet kantved, Ivo e anv-badez e latin hag Yves e galleg, en deus lakaet an daou anv da dostaat an eil ouzh egile bepred.

Kalz stummoù brezhonek all anezhañ a zo. Roet e vez kalz d'ar baotred abaoe eil lodenn an XX^vet kantved e Breizh hag er broioù gallek dreist-holl.

Lidet e vez d'an 19 a viz Mae. Un deiz gouel eo e Breizh pe e-touez Bretoned Pariz abaoe deroù an XX^vet kantved. Gwelet e vez an deiziad-se gant lod evel Gouel broadel Breizh, diwar skouer Gouel Sant Padrig en Iwerzhon, Gouel Dewi e Bro-Gembre pe c'hoazh Deiz Sant Jordi e Katalonia. Diwar Gouel Sant Erwan eo bet savet Gouel Breizh gant rannvro Breizh, aozet ganti bep miz Mae.

Setu stummoù all eus an anv Erwan :

• Érwan, Erwann, Érwann, Erwane, Eroan, Ervoan, Ervan, Earwinn, Herwan, Herwann, Aerwan, Urvoan
• Even, Ewen, Ewan, Evan, Eon, Eozen, Euzen, Usen, Izoenn
• Ivon, If, Ivi, Yvi, Von, Bon, Iwan (ur stumm kembraek eo kentoc'h), Ivenn, Nounn
• Iouenn, Ieun, Ioen, Yeun, Yoen, Youen, Youenn, Youwain, Youn, Cheun hag all

Berranvioù zo ivez : Bonik, Nounik, Vonig, Youennig, Ifig...

• Erwana hag Erwanez, diouzh Erwan
• Youna ha Youena, diouzh Youen
• berranv : Vonig

• Ivo e latin ha yezhoù all Europa
• Yves e galleg
• Ives e saozneg
• Evo

  Breizh

• Erwan ar Menga, anv-pluenn ar skrivagner Joseph Auffret
• Erwan ar Moal, skrivagner
• Erwan Berthou, skrivagner ha barzh
• Erwan Bouroullec, dezigner
• Erwan Hamon, talabarder
• Erwan Evenou, skrivagner ha yezhour
• Erwan Hupel, skrivagner ha troour
• Erwan Keravec, soner
• Erwan Jozef a Gergelenn a Drevareg, moraer
• Erwann Kermorvant, sonaozer filmoù
• Erwan Kervella, skrivagner
• Erwan Le Breton, senarioour bannoù-treset
• Erwan Le Saëc, treser bannoù-treset
• Erwan Manac'h, melldroader
• Erwan Quintin, anv daou zen :
  • Erwan Quintin (melldroader)
  • Erwan Quintin (soner)
• Erwan Roparz, soanzer ha soner binioù skos
• Erwann Surcouf, treser bannoù-treset
• Erwan Tabarly, merdeer ha skiper
• Erwan Tymen, liorzhour
• Erwan Vallerie , skrivagner

Anvioù-badez kevrennek

• Erwan-Vari Gwazdoue, barzh
• Jakez-Erwan Mouton, skrivagner
• Yann-Erwan Broudig, bredelfennour

  Bro-C'hall

• Erwan Bergot, milour, skrivagner ha kazetenner
• Erwan Bérot, c'hoarier rugbi XV
• Erwan Pain, c'hoarier hoke sar skorn
• Erwann Le Péchoux, iskrimer
• Erwan Le Morhedec, alvokad ha bloger
• Erwan Castex, lesanvet Rone, sonaozer elektronek
• Erwan Dianteill, denoniour ha sokiologour

  Suis

• Erwan Käser, skier

• Erwan et compagnie, film suis (2004), hag e heuliad Erwan et plus si affinités (2012) sevenet gant Marc Décosterd e 2012
• Sant-Erwan, ur bier
• Gouel Erwan pe Gouel Breizh, gouel broadel ar vro deuet da vezañ un hollad abadennoù ha festoù bep miz Mae meret gant Rannvro Breizh