Emgann Wagram
Emgann Wagram a oa bet stourmet eus ar 5 betek ar 6 a viz Gouhere 1809 e-kerzh Brezelioù Napoleon.
An trec'h a oa bet gant an Impalaer Napoleon, met koustus e voe evit al lu gall hag e harperien.
An arme aostrian a oa renet gant an arc'hdug Charlez, dug Teschen. Dre an disorc'h e oa bet freuzet ar pempvet Kevredad, an emglev etre Aostria hag ar Rouantelezh-Unanet a-enep Bro-C'hall.
| Rann eus | Pempvet Kenunaniezh  |
|---|---|
| Stad | Aostria |
| Lec'h | Deutsch-Wagram |
| Daveennoù douaroniel | |
| Deiziad | 6 Gou 1809 |
| Deiziad kregiñ | 5 Gou 1809 |
| Deiziad echuiñ | 6 Gou 1809 |
Gant 80 000 den kollet (lazhet, gloazet pe steuziet) en holl, Emgann Wagram a oa bet unan gwadus. Implijet e oa bet 1 000 pezh kanol o devoa tennet 180 000 obuz war an dachenn-emgann kompez, ma oa un 300 000 bennak a soudarded. Sklaer eo e oa aet ar maout gant Napoleon, met ne oa ket deuet a-benn da implijout an trec'h-se evit an dazont. Ouzhpenn se, kolloù Aostria a oa tost heñvel ouzh re an an nerzhioù gall ha kevredet.
An trec'h brasañ a oa bet a-fet spered rak Aostria a oa bet tizhet don betek koll nerzh ha spi er stourm. Sinet e voe Emglev Schönbrunn a dennas ur c'hwec'hvedenn eus hollad annezidi an Impalaeriezh, gant lod tiriadoù. Mouget e voe Aostria gant ar c'holl douaroù-se en e holl harzoù betek Kampagn Alamagn 1813.
This article uses material from the Wikipedia Brezhoneg article Emgann Wagram, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.