Komz a reer eus Azginivelezh en arzoù, pe eus Azginivelezh arzel, pa reer anv eus labour an arzourien e-pad marvezh an Azginivelezh.
Ur prantad a virvilh-spered eo bet an Azginivelezh, ken e-keñver al lennegezh, an arzoù ken e-keñver ar skiantoù. Dre Europa a-bezh e voe skignet mennozhioù nevez e metoù al lenneien.
E-touez an traoù pouezusañ bet degaset gant ar prantad a reer an Azginivelezh anezhañ eo an adneveziñ eus an temoù hag eus an arz en Europa goude ar Grennamzer. Lec'hiañ al luskad arzel-mañ ent-resis en amzer a zo diaes d'ober. Degemeret e vez koulskoude e krogas en Italia er XVvet kantved, hag en em ledañ a reas war-lerc'h war ar peurrest eus ar c'hevandir, kreñv pe greñvoc'h e levezon hervez al lec'hioù. Er XVIvet kantved e pad an Azginivelezh hag en he barr emañ e meur a vroioù neuze. A-drugarez d'an araokadennoù teknikel, d'ar c'henarroud politikel, sokial ha skiantel o cheñch e c'hell an arzourien mont davet hentoù nevez. Evit ar wech kentañ n'eo ket ken an arz tra ar galloud relijiel pe sekulier nemetken, met mont a ra e-barzh ti ar vourc'hizien ivez.
This article uses material from the Wikipedia Brezhoneg article Azginivelezh arzel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.