Ana Sohier, ganet d'ar 16 Mae 1982, eus Botoha, e kumun Sant-Nikolaz-ar-Pelem, a zo ezelez eus Unvaniezh Demokratel Breizh ha bet kuzulierez-kêr e Roazhon eus 2008 da 2020.
Reizh pe jener | plac'h |
---|---|
Bro ar geodedouriezh | Frañs |
Anv-bihan | Ana |
Anv-familh | Sohier |
Deiziad ganedigezh | 16 Mae 1982 |
Lec'h ganedigezh | Sant-Nikolaz-ar-Pelem |
Yezhoù komzet pe skrivet | galleg, brezhoneg |
Micher | politiker |
Karg | kuzulier-kêr Roazhon, kuzulier rannvro Breizh |
Strollad politikel | Unvaniezh Demokratel Breizh |
E 2008 e voe dilennet e kuzul-kêr Roazhon, war listenn an tu kleiz, Daniel Delaveau en he fenn. Anvet e voe dileuriadez evit ar Glad sevenadurel dizanvezel, an hini gentañ gant an titl-se er c’hwec’hkogn.
E 2014 e voe addilennet war listenn an tu-kleiz, Nathalie Appéré en he fenn ar wech-se. Dont a reas da vezañ kuzulierez Roazhon Meurgêr war andro. Roet e voe da garg dezhi ar politikerezh yezh hag ar glad.
Ezelez eo eus Burev politikel Unvaniezh Demokratel Breizh. E 2014 e oa sekretourez ar Burev politikel, hag e 2015 e sammas karg an dilennadegoù. Labourat a reas neuze da brientiñ an dilennadegoù-rannvro, o skoulmañ un emglev etre he strollad hag hini Kristian Troadeg. E 2021 e labouras adarre da brientiñ an dilennadegoù-rannvro o skoulmañ un emglev gant Europa-Ekologiezh Ar Re C'hlas Breizh hag Asambles war hon tiriadoù, da sevel ul listenn anvet Dazont Breizh.
Dilennet e voe e Kuzul-rannvro Breizh e 2021, en tu-enep. Ezelez eo eus ar strollad-dilennidi Breizh a-gleiz - emrenerezh, ekologiezh, broioù.
Savet he deus ul levr istor e galleg gant he zad Michel Sohier, diazezer Mirdi ar Skolioù war ar Maez e Botoha, e 1994.
This article uses material from the Wikipedia Brezhoneg article Ana Sohier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.