དབྱངས་གསལ་ཡི་གེ་
སྒྲ་མཚོན་ཡི་གེ་འབྲི་བའི་རྩ་བའི་སྡེ་ཚན་ལ་དབྱངས་གསལ་ཡི་གེ་ཟེར། དབྱངས་གསལ་ཡི་གེ་ཡོད་ཚད་གོ་རིམ་ངེས་ཅན་ལྟར་བསྒྲིགས་ན་དབྱངས་གསལ་ཡི་གེའི་རེའུ་མིག་ཏུ་གྲུབ་པ་རེད། དབྱངས་གསལ་ཡི་གེའི་རེའུ་མིག་གི་ནང་དུ་དབྱངས་གསལ་ཡི་གེ་མ་གཏོགས་ད་རུང་དབྱངས་གསལ་ཡི་གེའི་མིང་དང་དབྱངས་གསལ་ཡི་གེའི་གོ་རིམ། དབྱངས་གསལ་ཡི་གེའི་གཟུགས་དབྱིབས་ཏེ། པར་མའི་ཡིག་གཟུགས་དང་ལག་བྲིས་ཡིག་གཟུགས་ལ་སོགས་པ་འདུས་ཡོད།
བྱུང་ཚུལ། ཡི་གེ་བྱུང་བ་ནས་བཟུང་དབྱངས་གསལ་ཡི་གེ་བྱུང་བའི་བར་དུ་རྙོག་འཛིང་ཆེ་བའི་རིམ་འགྱུར་གྱི་བརྒྱུད་རིམ་ཞིག་ཡོད། འབྱུང་གཞིར་རྟོག་ཞིབ་བྱེད་པ་གཞིར་བཟུང་ན། སྔ་ཤོས་ཀྱི་དབྱངས་གསལ་ཡི་གེ་ཡང་འདྲ་གཟུགས་ཡི་གེ་ལས་ཐོན་པ་རེད། འདྲ་གཟུགས་ཡི་གེ་དུས་སྐབས་ཕྱི་མར་སླེབས་དུས། སྒྲ་མཚུངས་གཡོར་འདྲེན་གྱི་བྱེད་ཐབས་རྒྱ་ཆེར་བེད་སྤྱོད་བྱས་ནས་རིས་དབྱིབས་ཁ་ཤས་རིམ་བཞིན་གོ་དོན་གྱི་འཆིང་རྒྱ་ལས་ཐར་ཏེ། ཐད་ཀར་སྐད་སྒྲ་མཚོན་བྱེད་དུ་གྱུར་བ་རེད། ཕལ་ཆེར་སྤྱི་ལོ་སྔོན་གྱི་ལོ་ངོ་སྟོང་ཕྲག་གཉིས་ཙམ་གྱི་སྔོན་དུ། ཨའེ་ཅིའི་ཡི་གེའི་ཤུགས་རྐྱེན་ཐེབས་པས། པ་ལེ་སི་ཐན་ཞེས་པའི་ས་ཁུལ་དུ་བསྡད་ཡོད་པའི་སེ་མུའུ་བས་རིས་དབྱིབས་ཀྱི་གཟུགས་མཚོན་བྱེད་དམ་དོན་མཚོན་བྱེད་ཀྱི་ཐབས་ཤེས་སྤངས་ནས། ཐད་ཀར་བརྡ་རྟགས་ཀྱི་སྐད་སྒྲ་མཚོན་པ་རེད། འཛམ་གླིང་གི་དབྱངས་གསལ་ཡི་གེ་དེ་ཡང་ཡི་གེ་དང་འདྲ་བར་འབྱུང་ཁུངས་གཅིག་ལས་བྱུང་བ་མིན། ཡིན་ན་ཡང་གནའ་རབས་ཏི་ཀྲུང་ཧའེ་རྒྱ་མཚོའི་མཚོ་འགྲམ་ཤར་ཁུལ་དུ་ཚོང་ལས་ཤིན་ཏུ་དར་ཞིང་རྒྱས་པ་དང་། སེ་མུའུ་ཡི་ཡི་གེ་བེད་སྤྱོད་བྱེད་པའི་ཧྥེ་ཉི་ཅི་བས་ཡུལ་མང་བོར་འགྲིམས་ནས་ཚོང་གཉེར་བྱས་པས། དབྱངས་གསལ་ཡི་གེ་འདི་ཡང་དེ་དང་བསྟུན་ནས་རྒྱ་ཁྱབ་ཏུ་དར་བ་རེད། རྗེས་སུ་མི་རིགས་མང་བོའི་གཅིག་ལ་གཅིག་བརྒྱུད་ནས་སྤེལ་ཏེ། རང་རང་གིས་གནས་ཚུལ་དངོས་གཞིར་བཟུང་ནས་བཅོས་སྒྱུར་བྱས་པས། རིམ་བཞིན་སོ་སོ་ཐ་དད་དུ་གྱུར་བ་དང་དབྱངས་གསལ་ཡི་གེའི་མ་ལག་སྣ་ཚོགས་བྱུང་བ་རེད། 2 རིམ་འགྱུར། 2_1 ཁ་ན་ཨན་ཡི་གེ། དུས་སྔ་མའི་ཞི་པའོ་ལའེ་ཡ་ཡི་གེ་དང་ཧྥེ་ཉི་ཅིའི་ཡི་གེ་སོགས་འདུས་ཡོད། དབྱངས་གསལ་ཡི་གེ་འདི་སྤྱོད་པའི་ཡིག་རིགས་དེང་སྐབས་ཕལ་ཆེར་ཉམས་སོང་། 2_2 ཞི་ལ་ཡི་གེ། ཞི་ལ་བས་སེ་མུའུ་ཡི་གེ་སྤྱད་ནས་གསར་སྐྲུན་རང་བཞིན་གྱི་བཅོས་སྒྱུར་ཞིག་བྱས་ཏེ། ད་ལྟའི་འཛམ་གླིང་གི་དབྱངས་གསལ་ཡི་གེ་མང་བོའི་རྨང་གཞི་བཏིང་བ་རེད། 2_3 ཨ་ལ་མཱ་དབྱངས་གསལ་ཡི་གེ། འདིའི་ཁོངས་སུ་གཏོགས་པའི་ཡིག་རིགས་ཧ་ཅང་མང་བ་དང་རིམ་འགྱུར་གྱི་ལོ་རྒྱུས་ཤིན་ཏུ་རྙོག་དྲ་ཆེ་ལ། ད་སྐབས་མི་མཐུན་ས་ཡང་ཤིན་ཏུ་མང་། སྔ་ཤོས་ཀྱི་ཨ་ལ་མཱ་དབྱངས་གསལ་ཡི་གེ་ཕལ་ཆེར་ནི་དུས་རབས་བརྒྱད་པ་ནས་བྱུང་ཞིང་། སྤྱི་ལོ་སྔོན་ཀྱི་དུས་རབས་གཉིས་པའི་བར་དུ་བེད་སྤྱོད་བྱས།
This article uses material from the Wikipedia བོད་སྐད article དབྱངས་གསལ་ཡི་གེ་, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). དེ་མིན་གྱི་མཆན་འགྲེལ་ཡོད་ན་མ་གཏོགས། དྲ་བའི་ནང་དོན་ CC BY-SA 4.0 སྟེང་དུ་ཡོད། Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki བོད་སྐད (DUHOCTRUNGQUOC.VN) is an independent company and has no affiliation with Wiki Foundation.