Paangkutan awam adalah layanan angkutan panumpang ulih sistim pajalanan kalumpuk nang tasadia gasan dipakai ulih masarakat awam, rancaknya diatur sasuai jadwal, diuparasiakan di rute nang ditatapakan, wan diputiki biaya gasan saban pajalanan.
Tawas paangkutan awam di antaranya bis kuta, trem (atawa karita api hampul) wan karita api, karita hancap (metro/subway/bawah tanah.) wan jua feri. Angkutan awam antarkuta dikuasai ulih maskapai panarabangan, bis antarkuta, karita api, wan karita antarkuta. Jaringan karita bakahancapan tinggi rahatan dikambangakan di banyak balahan dunia. Sapalih ganal sistim paangkutan awam bajalan di sapanjang rute tatap lawan titik pamandakan lawan jadwal nang sudah diatur sabalumnya. Taksi babagi manawarakan layanan badasarakan-pamintaan di banyak palihan dunia, wan babarapa layanan cagar mahadangi sampai kandaraan hibak sabalum taksi ngitu tulak.
Paangkutan awam pakutaan liwar lain di Asia, Amirika Utara, wan Irupa. Di Asia, paangkutan awam anggit swasta wan awam, nang digarakakan ulih kauntungan, wan kunglumirat lahan yasan sapalih ganal mauparasiakan sistim angkutan awam. Di Amirika Utara, uturitas paangkutan kuta parancaknya manjalanakan uparasiunal angkutan awam. Di Irupa, pausahaan anggit nagara wan jua swasta sacara duminan mauparasiakan sistim paangkutan awam, layanan paangkutan awam kawa digarakakan ulih kauntungan lawan mamakai haraga-badasarakan-jarak atawa diduiti ulih supsidi pamarintah di mana haraga flat rate ditanggungakan gasan saban panumpang.
This article uses material from the Wikipedia Bahasa Banjar article Paangkutan awam, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.