Hadangan

Hadangan liar, atawa arni, masih ada di Pakistan, India, Bangladesh, Népal, Bhutan, Viétnam, Cina, Pilipina, Taiwan, Indunisia, wan Thailand. Hadangan sudah lawas diharagu manusia di Asia, Amirika Salatan, Aprika Utara, wan Irupa. Hadangan liar banyak hidup di Asia Tanggara. Asal muasalnya nang pasti, baluman katahuan. Hadangan liar di Asia sasain badikit, dudi-dudi bisa kadada lagi. Hadangan nang sudah tuha baratnya matan 300 kilu sampai 600 kilu. Hadangan liar, barat lagi. Nang bini, baratnya bisa 800 kilu, nang laki 1.200 kilu. Rata-rata, barat hadangan laki 900 kilu, tinggi balukuknya kikira 1,7 dapa. Hadangan inguan, parutnya tabulat. Nang ngaran sudah takambuh, barat hadangan inguan wan hadangan liar, kada sama. Asal muasal hadangan kikira matan banua Asia Selatan.

?Hadangan
Hadangan di Bérlin, Jérman
Klasifikasi ilmiah
Karajaan: Animalia Filum: Chordata Kelas: Mammalia Ordo: Artiodactyla Famili: Bovidae Upafamili: Bovinae Genus: Bubalus Spesies: B. bubalis
Nama binomial
Bubalus bubalis (Kerr, 1792)

Carl Linnaeus pamulaan manjalasakan genus Bos wan hadangan ka dalam binomial Bos bubalis pas 1758; sapisies ngini dipinandui kabanyakan cungul di Asia wan sapalihan ditamui nang sudah jinak di Italia. Ellerman wan Morrison-Scott maanggap hadangan liar wam jinak marupakan bantuk konspesies matan hadangan, tapi sapalihan ada jua nang manyambat hadang liar wan hadangan jinak marupakan sapisies nang balain. Sistem Binomial maanggap variasi hadangan liar wan hadangan jinak dari saaplihan panulis kada konsisten maka ada jua nang balain lalu.

Pas bulan Marit 2003, International Commission on Zoological Nomenclature mandapatakam ngaran nang konsistem gasan hadangan liar wan hadangan liar, buhannya mamagatakan bahwa ngaran ilmiahBubalus arnee marupakan ngaran gasan hadangan liar. B. bubalis tatap jadi ngaran rasmi gasan hadangan jinak tapi balaku jua lawan hadangan liar.