Kukulih: Makanan khas Banjar
Kukulih atawa kokoleh tu wadai asli matan Banjar, Kalimantan Selatan.
Wadai ngini diulah matan galapung baras, santan nyiur, sadikit banyu kapur, sahikit uyah wan daun pudak. Cara maulah wadai ngini talabih dahulu tumbuk daun pudak wan dikambuhakan banyu ladar. Habis itu paras wan ambil banyunya. Galapung baras dicampurakan wan banyu ladar, habis itu diharu bagimit sampai galapung baras maluluh. Kambuhakan banyu parasan daun pudak, sahikit uyah wan sahikit banyu kapur ka dalam tapung nang maluluh hingga semunyaan bahan manyatu lawan rata. Panasiakan banyu santan cair ka wajan lawan api halus sampai banyu mandidih imbah itu tuang adunan sambil diatur bagamatan sampai masak. Dinginakan wadai itu wan kuah nang isinya kambuhan banyu gula habang, santan, wan sahikit uyah.
Salain bawarna hijau, kukulih ada jua nang bawarna putih wan bawarna habang matan gula habang. Kukulih putih diulah matan gula putih, amun kukulih habang diulah matan gula habang.
Referensi
This article uses material from the Wikipedia Bahasa Banjar article Kukulih, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.